Sunny
Habang naghihintay siya sa kusina. Napagtanto niya na ang tagal ng boss niya sa banyo, kaya pinuntahan na niya at kinatok.
"Sir! Ano, diyan ka na lang ba matutulog? Bibigyan na lang kita ng pagkain, unan, at kumot diyan!"
Sumilip ang boss niya na may bula pa sa katawan. "Sandali na lang."
Napataas ang kilay niya dahil sobrang tagal talaga nitong maligo tapos hindi pa rin ito tapos.
"Pero sir kakain na tayo!"
"Paunahin mo na lang sila nanay, pagkatapos kong maligo saka na lang tayo kumain."
"Teka..." Kumunot ang noo niya. "Nanay?"
"Oo. May problema ba kung tawagin ko ring nanay at tatay ang magulang mo?"
"Tsk... nagpapabango ka talaga sa magulang ko, hindi puwede sir kaya tumigil ka!"
"Why?"
Iniwas niya ang mata niya na nakatitig sa mata ng kanyang boss. "Ayoko lang."
"Wa
