Sunny
Nang natapos sa pagluluto ang nanay niya ay agad din silang inayang kumain. Kung siya ang papipiliin okay lang yung matigas na daing para sa kanya, pero siguro naisip ng magulang niya na baka hindi kainin ng boss niya kaya nagdesisyon ang mga ito na magluto ng ibang ulam.
Nasa harap na sila ng lamesa ngayon, pero wala ang magulang niya, tapos na silang kumain kaya pumunta na sila ng sala. Silang dalawa ng boss niya lang ang nasa harap ng lamesa.
"Anong klaseng luto 'to, Sunny?" Tinuro nito ang may sabaw na gulay.
"Pakbet."
"Meron bang ganun na tawag na ulam?"
"Meron sir. Bakit hindi mo ba alam 'yon?"
"Hindi. Masyadong sosyal ang mga pangalan ng mga ulam na nakikita ko."
Baka sa mga restaurant na inspired sa ibang bansa ang nakikita nitong iba't-ibang uri ng luto ng gulay.
"M
