Chapter 13
"Ano ba 'tong mga 'to?" reklamo ni Isla nang makita kung ano ang inilagay na mga gamit ni Yannie sa maleta niya. Sabi kasi nito para daw may thrill ay ito ang mag-i-impake para sa kanya na kaagad din naman niyang pinagsisihan ngayon. Hindi niya naman alam na puro two piece at mga daring na damit ang inilagay ng kaibigan sa dalang maleta. Mangiyak-ngiyak siyang bumuntonghininga.
"I need clothes! Ang lamig dito!" naiiyak niyang sambit. Hindi niya pa nasusuot ang mga ganitong klaseng ng damit kaya naman dahil sa inis ay napatawag siya kay Yannie. Ramdam niyang nagbubunyi ito ngayon.
"Oh? Bakit napatawag ka?" tanong nitong sagot mula sa kabilang linya. Paos ito at halatang kagigising lang.
"Ano ba tong pinadala mong damit? Kakainis ka! Wala akong maisuot na matino rito, Yann
