IPINARADA ni Lavender ang sasakyan niya sa parking lot ng ospital. Sa susunod na araw pa siya babalik sa trabaho. Nagtungo lang siya roon dahil susunduin nila ni Pablo si Ceferino. Manonood sila ng concert sa Carnegie Hall.
Maganda ang suot niyang bestida. Nasa likod pa ng kotse ang coat ng suit ni Pablo but he already looked so dashing. Sa kabila ng lahat, matindi pa rin ang paghanga niya sa pisikal na anyo nito.
“Ikaw na lang ang sumundo kay Kuya Cef sa loob,” sabi niya kay Pablo. “I’ll just stay here.”
“Why?”
“Baka mapakuwento ako, lalo tayong matatagalan. Sige na. Kanina pa tapos ang shift ni Kuya Cef, masyado lang iyong workaholic at concern sa mga pasyente niya kaya hindi agad makaalis. Kaya mo na siyang hanapin.” Umiwas din siya dahil baka makasagap pa siya ng kuwento tungkol
