'Different people bring out different aspects of one’s personality.’ – Trevor Dunn
-Donovan’s POV-
“Magandang umaga detective,” bati ng guard pagbaba ko sa unit. Iba na ang bantay ngayon, mukhang maaga nakauwi si Manong Kaloy.
“Magandang umaga rin po,” pagbati ko pabalik. Kaagad naman akong dumiretso sa parking.
Kahit na madaling araw na kami nakauwi kagabi ay kailangan pa rin pumasok ng maaga dahil may mga report pa na kailangan tapusin. Kailangan din namin i-follow up ‘yong sa kabilang barangay kung napatingin na nila sa manggagawa.
Kagaya ng lagi kong ginagawa ay dumaan muna ako sa pinakamalapit na coffee shop upang bumili ng kape at tinapay. Nakapag-almusal na ako bago umalis pero dahil malakas akong magkape ay kailangan ko pang uminom ulit.
Sinabihan na ako nina Detective Roxas
