SHAWN
TUMAYO siya at umatras palayo kay Maureen.
"Puwede ba magdamit ka! I'm sorry, Maureen pero wala talaga akong gusto sa'yo. Kahit maghubad ka pa. Never!" puno ng iritasyon asik niya sa dalaga.
Naiinis siya. Paano ba 'to nakapasok sa hideout place? Marahas na lumabas siya. Kita niya na nag-iinuman pa rin ang iba ka-miyembro niya.
"Ayos ba, tol? Malungkot kasi matulog ng mag-isa kaya pinapasok namin sina Maureen."
Napatingin siya sa mga nag-iinuman kasama na rin pala ng mga ito ang ibang ka-grupo ni Maureen. Napailing siya saka matiim na tinitigan ang nagsalita.
"Sa susunod huwag niyo ako iistorbohin sa pagtulog kung ayaw niyong makatikim sa'kin," wika niya sabay marahas na sinipa ang isang silya.
Bitbit ang bag niya ay umalis na lang siya. Nawalan na siya nang gana matulog don.
