LEIRA'S POV
"MISS." May kalakasang sambit ng babaeng cashier sa harap ko, bahagya pang nandidilat ang mga mata. "Ooder ka ba o hindi?"
"Ha? Ah, oo--"
"Puwedeng pakibilisan? Kanina ka pa nakatayo rito sa harap ko, hindi ka naman um-order. Ang dami ng pila sa likod mo, Miss, oh." Naiirita niyang itinuro ang mga nakapila sa likuran ko.
"Pasensya na." Paghingi ko ng paumanhin sa cashier, saka sinabi kung anong order ko.
"Tss! Ang tagal-tagal nakatunganga, burger lang naman pala ang o-orderin." Narinig kong pasaring ng babaeng nakapila sa likuran ko.
Pagkatapos kong magbayad, saka ko siya binalingan at humingi rin ng pasensya. Ngunit isang mataray na irap lang ang isinagot niya sa akin bago ako nilampasan.
At habang patungo sa waiting area para sa take out order, ramdam ko ang masa
