Pabaling-baling ang ulo ni Amberleigh habang nakahiga pa siya sa kama. Nakapikit pa ang kaniyang mata. Nananaginip pala siya sa lagay niyang ito.
Hating-gabi na pala at hindi pa rin gumigising si Amberleigh. Umuungol siya habang pabaling-baling pa rin ang kaniyang ulo hanggang sa...
"Hija? Hija, gising! Gumising ka!" ang malakas na boses ni Manang Rossy ang nagpagising kay Amberleigh. Tila nataranta kasi ang matanda nang tila binabangungot si Amberleigh at may mataas din itong lagnat.
Namumungay ang mata ni Amberleigh nang imulat niya ito. Parang nahihirapan siyang ibuka ang kaniyang mata na habol pa niya ang kaniyang hininga. Humahangos siya. Hindi na ramdam ni Amberleigh na dinadampian na siya ni Manang Rossy ng palad ng kamay nito upang malaman kung may masama siyang pakiramdam. Bigl
