"Gusto nyo bang mamasyal muna tayo sa bayan? Malapit na lang yun dito. Para naman maging pamilyar na rin kayo sa lugar," ani Lola Maring.
"Sige po, Lola! Gusto ko rin po!" Pagtugon ko. Hindi naman na umimik si nanay kaya tumawag na ako ng tricycle sa paradahan nito.
Habang nakasakay na nga kami sa tricycle ay hindi ko mapigilang humanga sa lugar. Mas marami ang puno rito sa dinadaanan namin kumpara sa mga building. Siguro kaya ako naninibago ay talagang sa siyudad na ako lumaki.
"Si Feriana po pala?" Bigla ay naitanong ko. Paggising ko kasi kanina ay wala na siya. Hindi na kami nakapag-usap pa.
"Nasa eskwelahan siya. Graduating na rin siya kagaya mo, Arianna. Pero masipag ang batang iyon dahil kahit napo-provide na ng nanay niya ang lahat ng gastusin niya ay gusto pa rin niyang mag
