Mahina niyang sinampal ang kanyang sarili nang nasa kusina na siya. Hingal na hingal pa siya na animong galing siya sa mahabang lakaran.
"Arghh, Amanda! Bakit ka maaapektuhan? Gusto mo ito, 'di ba? Pero bakit ngayong nararamdaman mong nawalan siya ng gana sa 'yo ay gumaganyan ka bigla?! Hmmp!" kausap niya sa sarili. Hindi na rin niya maintindihan ang sarili. Siya yata ang mababaliw sa mga hinihiling niya, eh.
"Hoy, bata ka! Sinong kausap mo?" Napatalon si Amanda sa nagsalita. Napahawak siya sa kanyang dibdib dahil sa gulat. Napakurap siya nang ilang beses nang bumungad sa kanya harapan si Manang Salem.
"Diyos ko naman, manang. Nagulat niyo po ako!" saka ito bumuga ng hangin. Mahinang natawa ang matanda sa kanya.
"Aba'y, ako nga ang nagugulat sa iyong bata ka! Ikaw ba naman ay nagsasali
