"Ah! A-aray!" Hiyaw niya nang maramdaman nito ang sakit sa kamay niya. Hindi niya alam kung paano niya 'to mapapatigil sa sakit. Nauna kasing tumama ang kamay niya at dahil 'yon sa maling pagkabagsak niya sa lupa. Nagalusan din ang braso nito at nag-uumpisa 'yong dumugo.
"Abay, nadala mo na ba sa asawa mo ang pagkain na niluto ko?" tanong ng mayordoma kay Arthur.
"Opo, manang," malungkot na sagot nito.
"Oh, bakit ang lungkot ng boses mo? Hulaan ko, nagalit na naman, ano?"
"Wala pong bago, manang. Isang linya pa rin ang kilay at ang ilong ay lumalaki dahil siguro sa inis," mahina 'tong natawa sa sinabi.
"Oh, eh, ginusto mo 'yan, eh. Tiisin mo na lang muna." Tama ang Mayordoma. Nakakagalit nga naman talaga ang ginawa niya. Tumango-tango na lamang ito.
"Nga pala, 'yong juice at tubig na
