Chapter 23
Lily POV
Hindi ako makapaniwala na nahanap ako ng secretary ni Daddy na si Secretary Salvacion. Anim na buwan na rin simula nang pinalayas ako ni Daddy kaya naman nagtataka talaga ako kung bakit nandito sa harapan ko ang secretary niya. Simula din noong tinangka ko na humingi ng tulong sa kanila ay wala na akong nabalitaan sa kanila.
“Mawalang galang na po, pero ano po ang ginagawa niyo dito?” tanong ko sa kanya.
“Senyorita Lily, nais ko po sana kayo makausap ng sarilinan,” sabi nito sa akin saka siya tumingin kay Mamang Lucia, alam ko ang tinginan na iyon at marahil ay gano’n din si Mamang Lucia kaya naman parehas kaming napalingon sa isa’t isa. Gusto ko nga rin matawa dahil sa itinawag niya sa akin ngayon.
“Pwede niyo naman po sabihin dito habang kasama ko si Mamang Lucia
