BUMABA ang tingin ni Fabio sa brown envelope na basta na lang inilapag ng bagong dating sa table niya.
Nagawa lang nitong kumatok, ngunit hindi pa siya nakapagsasalita ay pumasok na ito. Pagkalapag sa envelope ay naupo na rin ito kaagad sa upuan na nasa unahan ng table niya.
Sa loob ng isang buwan na pagpapaimbestiga at pagpapahanap ni Fabio kay Mario ay wala siyang nakalap na impormasyon kung nasaan ito. Kung kumusta na ba ito? O kung may bago na ba itong trabaho. Ngunit wala siyang na balita na kahit na ano tungkol sa lalaki.
Aminin man niya o hindi, namimiss niya ang presensya ni Mario. Idagdag pa na minsan sumusulpot na lang si Alison sa harapan niya. Kaya mabilis siyang mairita. Kung nasa tabi lang sana niya si Mario, hindi siguro ganoong kabilis magbago ang mood niya.
Kaya ngayon
