NAKAUPO lang sa labas ng bahay si Ria habang nasa tabi naman niya ang anak na natutulog sa stroller. Kaninang umaga ay nagawa niyang painitan ang anak. Naglakad-lakad siya, habang tulak ang stroller ng anak. Ayon kasi sa matatanda ay maganda sa sanggol ang init ng araw sa umaga.
Pero nang medyo mataas na ang araw ay bumalik na ulit sila sa bahay. Matapos niyang makapagtimpla ng kape ay lumabas naman sila ng anak sa likod bahay. Para doon ipagpatuloy ang pagkakape.
Maaliwalas sa likod bahay. Malinis doon at may bakanteng lupa. Habang pinagmamasdan ang ilang dipang parte ng lupa na bakante sa likod ng tinutuluyan niya ay naiisip na niyang taniman iyon ng gulay. Pag kaya na niya at malakas na siyang talaga.
Dinala ni Ria ang tasa ng kape sa bibig para humigop doon nang bigla niyang marinig
