"FABIO!" Pagkalabas niya ng kwarto ni Ria ay narinig kaagad niya ang pagtawag sa kanya ni Marinela.
Nadako naman ang kanyang paningin dito habang hawak nito sa mga bisig nito ang sanggol na anak ni Ria. Lumapit naman siya kaagad dito. Si August naman ay kapapasok lang ng pinto mula sa labas. Isinara rin naman kaagad ng lalaki ang pintuan at lumapit sa kanila.
"Fabio, maipaliwanag mo ba kung bakit---." Napahilamos si Marinela ng palad. Hindi maituloy ang dapat sasabihin. Umayos pa ulit ito ng upo at inayos din nito ang pwesto ng sanggol na hawak nito.
Tinitigan naman niya ang sanggol. Nakataas ang munti nitong mga kamay habang inaabot ang mukha ni Marinela. Napangiti pa siya. Napakagwapo ng sanggol. Gusto man niyang kunin kay Marinela, ngunit natatakot siyang hawakan ito. Napakaliit kasi
