"RIA, AYOS KA LANG?" tanong ni Fabio ng lumuhod ito sa tabi niya. Hindi na siya nakapagsalita ng bigla na lang siya nitong buhatin at ibalik paupo sa kama. "May masakit ba sa iyo? Sabihin mo sa akin?" nag-aalala pang tanong ni Fabio na ikinaling niya.
Gusto ng maiyak ni Ria. Hindi niya alam kung ano ang dahilan kung bakit nasa harapan niya sina Fabio at Marinela. Kung paano nalaman ng mga ito kung saan siya nakatira? Ang alam niya ay nagkabalikan na ito at si Alison, at malapit na ring ikasal. Iyon ang huling balita sa kanya ng babae nang huling punta nito doon. Kaya nagtataka siyang nasa harapan niya ngayon si Fabio.
Naupo naman si Fabio sa tabi ng kama. Si Marinela naman ay naupo sa upuan na naroroon din sa loob ng kwarto. Habang ang lalaking hindi niya kilala ay nakatayo lang habang n
