PAGKAUPONG-PAGKAUPO pa lang ni Mario sa working chair niya ay napahawak na siya sa tapat ng kanyang dibdib. Hindi niya malaman sa sarili niya kung ano ba ang totoong dapat niyang gawin. Gusto niyang umamin, ngunit natatakot siya sa magiging reaksyon ni Fabio.
Ilang beses pa siyang nagbuga ng hangin, para lang kalmahin ang sarili. Sisimulan na sana niya ang trabaho niya ng biglang lumabas si Fabio sa mismong opisina nito. Kaya naman mabilis siyang napatayo.
Napangiwi pa siya ng hindi sinasadyang tumama ang tiyan niya sa gilid ng mesa. Mabuti na lang kahit papaano ay hindi siya gaanong nasaktan.
"May kailangan ka Sir? Bakit hindi mo na lang ako tinawagan at lumabas ka pa ng opisina mo?" nag-aalangang tanong niya.
Si Fabio kasi ay parang galing sa malalim na pag-iisip. Iyong tipong parang
