CHAPTER 15: Bad Day
THIRD PERSON'S POV
"Itsura niya? Sinong tinutukoy mo?" nagtatakang tanong ni Aries kay Apricot habang nakakunot ang noo na tinititigan ito.
Napakurap kurap ng mga mata si Apricot saka pilit inalala ang panaginip kanina, na ngayon ay unti unti nang lumalabo sa alaala niya.
"May lalaki sa panaginip ko kanina. Tapos parang... ganito din 'yung eksena kaso parang imposible." hindi siguradong pagkukuwento ni Apricot sa binatang kausap. Kaya ang isa ay napailing at lumayo sa kanya ng bahagya. "Dahil siguro sa pagod kaya nanaginip ako ng ganito kalala."
"Naglalakad ka ba talaga kapag nananaginip?"
Umiling si Apricot.
"Hindi, ngayon nga lang nangyari sa 'kin 'to e."
Tumango si Aries saka napaisip. Naalala niya bigla ang taong hinahanap niya kaya gusto na niya makalab
