CHAPTER 16: All The Clues I Need
KINAKAMOT ni Aries ang kanang kilay habang nakapormang diretsong linya ang mga labi. Nauubos ang pasensya na pinanonood si Apricot na tuluyang magising mula sa mahabang oras na pagkakahimatay.
“Nahihilo ako,” mahinang angal ni Apricot habang hindi pa gaano maidilat nang maayos ang mga mata. Unti-unti itong bumabangon mula sa pagkakahiga habang sapo ang ulo na pumipintig pa rin sa sakit. Kasalukuyan silang nasa ilalim ng lilim ng malaking puno.
“Mabuti nga hindi ka namatay eh.”
Agad na napalingon si Apricot kay Aries saka niya inalala ang mga nangyari. Mabilis na gumapang ang lamig at takot sa buong katawan ni Apricot nang malinaw pa rin na maalala ang mga nakitang memorya mula sa iba’t-ibang tao na nahawakan kamay niyang walang suot na glove.
“Oh my g
