CHAPTER 11: The Main Characters
TINITIGAN ko nang mariin si Aries, ‘yong tingin na kulang na lang ay sakalin na siya.
Gusto kong ma-gets niya na kailangan niya akong kampihan dito dahil ako naman ang tama.
Nasa harapan kami ng tanggapan, kasama ang amo ni Umi na pinagbuhatan siya ng kamay, si Umi, mga kakilala nila sa bayan saka ang mga gwardya.
At ang feeling cute na si Aries bilang bagong tagapamahala ng ‘katahimikan’ at ‘kaayusan’ sa bayan.
Hinarap ko sa kanila, lalo na kay Aries ang hawak kong papel. Kontrata ni Umi bilang tagapagsilbi, hindi naman ‘to kagaya ng alam niya na magpapaka-alipin siya habang nabubuhay siya. Ayon sa nakasulat dito, mukhang binenta siya ng nauna niyang amo sa pangalawang amo niya na ‘to pero sa loob lang ng sampung taon.
At lagpas na ang due date pero h
