"Ma'am Faye!"
Bigla akong napalingon.
"Oh, saan ka nanggaling?" tanong ko kay Elestia.
Napatingin ako sa isang sobre na hawak nito.
"May nagpapabigay po niyan sa iyo."
Kumunot ang noo ko.
"Sino?" tumingin ako sa labas.
"Hindi ko po kilala. Tinawag niya lang po ako at sinabing ibigay ko raw po 'yan sainyo."
Biglang kumabog ang dibdib ko. Pati balahibo sa braso ko bigla na lang nanayo.
"Next time, 'wag kang lalapit sa 'di mo kilala ha? Mamaya masamang tao pala at kung saan ka dalhin."
Bigla namang natahimik ang bata. Hindi naman sa gusto ko itong takutin. Pero mas mabuti na rin iyon upang lumayo ito sa mga taong hindi nito kilala.
Ito pa naman ang batang napaka-bibo!
Nakahinga ako ng maluwag ng tumango ito.
"Go back to your sit na."
Masaya naman itong tumakbo sa upuan nito.
D
