روح الزين الجزء الثاني بقلم منارجمال"شجن"

بارت² لروح الزين الجزء الثاني

بارت²«الجزء الثاني».

لـ"روح الزين"².

بقلم منارجمال"شَجَنْ".

"عارفين في بُعده عني ناقصني إيه وإيه مش لاقية حد زيه أهتم بعدُه بيه، جربت ألف حاجة وبعد كل حاجة ألاقي نفسي برضوا بحن ليه، أحلف بـ إيه من بعده عايشة ع الل فات وكل يوم انا بفتكرله كتير حاجات، واتوه واسرح ببالي وأما أقعد ويا حالي أعيد كلامه مع نفسي بالساعات، عدا الل عدا ولسه برضوا منستوش بشوف ملامحه ليه انا في كل الوشوش بسأل عليه هنا وهنا ومبلاقهوش، معقول خلاص نسيني معقول مبوحشوش، أحلف بِـ ايه من بعده عايشة ع الل فات وكل يوم أنا بفتكرله كتير حاجات واتوه واسرح ببالي وأما اقعد ويا حالي اعيد كلامه مع نفسي بالساعات.".

•ماذا أقول وبماذا أشعُر؟ ليتني لَمْ أكُن أعلم الحب، ضعيفٌ وهشْ ولا أتحمل مديٰ الفُراق، هُناك سِرًا أُخفيهُ مُنذ زمن.. قد تعلمتُ العِشقُ مِنكِ ولكنكِ رحلتِ وتركتينيِ اتألم، تسكُنين الروح والقلب وليس بهم غيرك، لنْ يتقبل عقلي وفؤادي أنكِ قَدْ رحلتِ قط، كُنتُ قويًا صامِدًا لَمْ أكُن ضعيفًا بهذا الشكل مرةً لمْ يكُن لهذه الحياةُ شيئًا يستحِقُ العيش بها، عندما رائيتك أصبحتُ شخصًا آخر يعيشُ لكِ فقط، تعلمين أنني أحبك لِما إخترتِ الرحيل؟، لا يُوجد أحد شبيهٌ لكِ قَدْ تَمْ خلقِك مُنفرِدة وفريدةٌ من نوعك فَـ أنتِ واحدة فقط وبكِ مجموعةً وتجمعوا بِكِ أنتِ يا طِفلتي يا مجنونتي يا حبيبتي يا بُنَيتي أشهدُ لنا يا حُبنا هي فقطْ لنْ أعيشُ إلا لها•

«في المدرسة»•

جوري قاعدة بتذاكر وبتشخبط بزهق في الكتاب الل في ايديها، مسكت الفون وشافت معاد خروجها من المدرسة جي لبست شنطتها ولمت شعرها وخرجت وفجاة وقفها ايد حد علي باب الclass وبصت ليه بنفاذ صبر وعداوة.

جوري: شكلك مش ناوي علي خير النهاردة.

سامر بخبث: تؤ.(بيقرب منها).

جوري بقلق: إبعد عني احسنلك وسيبني أمشي (بترجع لـ ورا).

سامر: لما اخد الل نفسي فيه هبعد.

جوري: قصدك ايه.

سامر: هعرفك دلوقتي (مسكها من وسطها).

جوري بصدمة: إبعد عني انت اتجننت(زقته بعيد عنها).

سامر صحابه كلهم واقفين وبيصورا زي ما طلب منهم، بص ليهم وابتسم وقرب من جوري ولسه هيبوسها، زقته جامد وض*بته بالقلم بكراهية وحقد.

جوري: إياك تتجرأ وتحاول تقرب مني تاني.

سامر حط ايده علي خده بصدمة وبص لاصحابه شافهم بيضحكوا عليه ولسه بيصوروا، مسك دراعها بقوة وبيخنقها ض*بته في بطنه برجلها وشدت كرسي كان قدامها وض*بته علي ضهروا بيه.

جوري: حذرتك وقولتلك إياك تقرب يبقي تستحمل الل هيجرالك.

جريوا صحاب سامر وبصوا بصدمة لجوري والل عملته، وحصلت خناقة كبيرة في المدرسة والمدير استدعي جوري وسامر.

♡♡♡♡♡♡♡♡♡♡♡♡♡.

«في شقة خالد»•

حفصة بتلبس بسرعة وخلصت وبتجري ولسه بتفتح الباب واتفاجئت.

حفصة: أيمن.

الجارحي: عامله ايه يا حفصة.

حفصة: كويسه.

الجارحي باستغراب: إنتِ خارجة!؟

حفصة بقلق: آه جوري اتأخرت وكان المفروض تيجي من بدري وقلقانه عليها ورايحة اشوفها فين وفونها مقفول ومش بترد.

الجارحي بجدية: طيب خليكِ انا رايح اجيبها هي فـ مدرسة إنترناشيونال.

حفصة: آه مدرسة ******.

الجارحي: ادخلي وانا هجيبها وهاجي.

حفصة: متتعبش نفسك انا هروح عادي.

الجارحي: خلاص يا حفصة متجادليش كتير شوية وهرجعلك ببنتك.

سابها الجارحي ونزل ركب عربيته بكل فخامة ومشيوا وراه عربيتين كمان تبعوا فيهم الجارد الل بيحرسوه.

وصل للمدرسة ودخل والعيون كلها عليه.

حاول يوصل لجوري جات ليه معلومات بـ الل حصل وانها في مكتب المدير.

المدير بزعيق: إنتِ بنت مش محترمة ازاي تتجرأي وتعملي كدا في زميل ليكِ.

جوري بدموع: انا كنت بدافع عن نفسي لأنه حاول يقرب مني.

سامر بغضب: إنتِ كذابة، هي الل كانت بتحاول توقعني ولما رفضت هددتني وعملت فيا كدا.

المدير: انا مصدقك يا سامر أنت غني عن التعريف وكويس وشاطر ومبتغلطش، لكن البت دي لازم تتحاسب وتكون عِبرة لغيرها.

جوري: نعم؟. انا بقولك مغلطتش انا كنت بدافع عن نفسي وصحابوا شاهدين وكانوا بيصوروه وهو بيقرب مني.

المدير بزعيق: اخرسي يحيوانه انا هفصلك من المدرسة دي كلها وابقي تعالي شوفي مدرسة تانية تقبل اشكالك، اعتذري لسامر بيه يالا شكلك ملاقيتيش اب يربيكي.

فجاة صوت قوي احتل المكان وعم ال**ت في مكتب المدير بسبب هيبته وشكله وقوة شخصيته.

الجارحي: هي مين دي اللي تعتذر، وكمان تترفض من المدرسة.

جوري بصدمة: عمو أيمن!؟.

المدير بغرور: إنت مين سمحلك تدخل مكتبي بالشكل دا، أخرج برا.

دخلوا 5 من الجارد تبع جابر وكان شكلهم ضخم وبصوا للمدير وقربوا منه.

جارد1: إنت مش عارف بتكلم مين؟.

سامر بعصبية: هيكون بيكلم مين يعني واحد ولا يسوي وباتصال واحد بس مني اقعدوا في بيته جمب امه.

جري جارد من بتوع جابر علي سامر ولسه هيض*بوا الجارحي منعه.

الجارحي: سيبه.

المدير بقلق: إنت مين.

جارد 2: دكتور أيمن الجارحي اكبر دكتور علي مستوي العالم والملياردير المشهور.

المدير بصدمة: دكتور أيمن اهلا وسهلا انا اسف سامحني بجد مكنتش اعرف حضرتك اسمع عنك كتير لكن محصليش الشرف ويجي يوم واقابل سيادتك.

سامر بص للمدير بصدمة وهو بيرحب بالجارحي.

سامر: إنت بتعمل ايه؟.

المدير: سامر أسكت.

قرب الجارحي من جوري وشافها بتبكي ومسح دموعها وحط ايدوا علي كتفها وحاوطها بإيديه.

الجارحي: عايز اعرف ايه اللي حصل وخلي بنتي تبكي بالشكل دا.

المدير بخوف: م مم مفيش حاجه حضرتك دا سوء تفاهم وهيتحل دلوقتي.

جوري بصت للجارحي وهو محاوطها بقوة وحنان.

الجارحي: انا بقول بنتي بتبكي بالشكل دا ليه سؤالي واضح.

سامر قرب منه وبص ليه بغرور.

سامر: هقولك انا بنتك حاولت تقرب مني وتوقعني عشان بتحبني.

جوري بصدمة ودموع: إنت كذاب.

الجارحي: اممم بتحبك قولت وهي الل مشلفطاك كدا.

سامر حط ايدوا علي وشه وبص لجوري بكراهية.

سامر: اه وهاخد حقي منها ومش هرحمها.

المدير بقلق: سامر أحترم البيه الل قدامك إنت اكيد سمعت عن مركزه.

سامر بغرور: اعمله ايه يعني وانا ابن السفير ادهم السويفي.

الجارحي بضحك: تعرف اني ممكن اجبهولك دلوقتي ياخدك ويمشي بيك ويقعدك جمب أمك ويقعد هو كمان معاك.

المدير: ايمن بيه مالوش لزوم دول زمايل وبيتخانقوا زي اي زملاء مع بعض عادي.

الجارحي: ولما هما كدا بتعلي صوتك عليها ليه وبتغلطها مع ان الغلطان سايبه ينبح زي الكلب معاك.

المدير بخوف: أنا اسف.

سامر: انا مش كلب ولو دي بنتك زي ما بتقول يبقي لازم تعرف ان الكل عارف انها شمال هنا في المدرسة.

جوري حطت ايدها علي بوقها بصدمة.

جوري: إنت بتقول ايه.

الجارحي شال ايديه من علي جوري وصرخ.

الجارحي: اخرسي خالص.

قرب من سامر وبص ليه بحزن.

الجارحي: إنت بتتكلم بجد المدرسة كلها عارفه انها كدا.

سامر بثقة: أيوه.

الجارحي: انا مكنتش اعرف ان بنتي كدا انا اسف يابني انا هربيها من اول وجديد بنفسي.

سامر بضحكة انتصار: دا الل المفروض يحصل.

فجاة الجارحي رفع ايديه الاتنين قصاد وش سامر وض*به من الجنبين بقوة وعصبية وشالوا بايديه من رقبته ورماه علي إزاز الشباك وات**ر.

الجارحي: إنت عارف لولا انك صغير وعيل كنت رميتك من الشباك دا ومرحمتكش علي الكلمة الل قولتها عليها دي.

المدير وجوري جريوا علي الجارحي بصدمة من الل عمله في سامر مرة واحدة.

الجارحي: الحيوان دا يتفصل من المدرسة شهر كامل وهكتفي بال*قاب دا كتحذير ليه، لو قرب منها تاني مش هيكون فصل من المدرسة دا هيكون من الحياة كلها.

مستناش رد من المدير ومسك ايد جوري ومشي بيها، وكل الطلبة عيونهم عليه وهو محاوطها زي الأب الل خايف علي بنته من الأذيْ وباسها من جبينها بحنية وماشين وراه الجارد وهو في ايديه التانية شنطتها وحطها علي كتفه.

جوري من جواها مبسوطة وحاسه بسعادة من حماية الجارحي ليها وعيونها علي صحابها الل واضح في عيونهم الصدمة منها والحسد علي وجود حد غني وقوي حاميها بالشكل دا.

خرجوا برا المدرسة والجارحي نزل شنطتها من علي كتفه بتعب.

الجارحي: إنتِ حاطة قنابل في شنطتك بتشليها ازاي دي.

جوري اخدت الشنطة منه وضحكت ومسكها جارد تبع الجارحي وجريت عليه وحضنته بحب.

جورى: بجد مش عارفه اشكرك ازاي.

الجارحي ابتسم ليها ومشي ايده علي شعرها بحب وضمها بحنية.

الجارحي: مفيش الكلام دا بينا لانك مسؤلة مني من النهاردة.

جوري بعد فهم: ازاي.

الجارحي: مفيش يستي الأول نتفق اتفاق لو وافقتي يبقي اعرفي اني هرافقك زي ضلك بالظبط.

جوري: إتفاق ايه.

الجارحي: نكون صحاب ايه رائيك(مد ايده ليها).

جوري: اتفقنا(حطت ايدها علي ايده).

الجارحي: فل كدا يلا اركبي.

جوري ركبت وهو معاها والحراس لسه معاهم.

جوري باستغراب: إحنا مش المفروض نرجع البيت.

الجارحي: لاء.

جوري: أومال رايحين فين!؟.

الجارحي: شوية وهتعرفي.

جوري: طب إنت جيت المدرسة وعرفت اني في مشكلة ازاي.

الجارحي: العصفورة قالتلي.

جوري بغيظ: اممم يعني ابتدينا اهوه من بداية صداقتنا تخبي عني وتكلمني بالالغاز.

الجارحي: هس شوية وهتفهمي كل حاجه، وتقريبًا وصلنا يلا انزلي.

جوري باستغراب: انزل فين.

بصت حواليها واتبسطت جامد ونزلت من العربية بفرحة وبصت ليه وهو مبتسم.

جوري: دا بجد.

الجارحي: اه ويلا عشان نلحق نركب كل الال**ب.

جوري نطت عليه بحب وشالها وحس بسعادة عشان شافها مبسوطة ومن جواه بيتمني انه يقضي سعادته كاملة مع جوري وروح بنته الل مفرحش بيها ولا قدر يعيش دور الأب زي ما كان يتمني والموت اخدها منها، دموعه نزلت وكان بيداريها من جوري عشان متلاحظش واختار يعيش حياته مع اي حاجة كانت بتحبها روح.

دخلوا الملاهي بيجروا والجارد مراقبين الجارحي وجوري من بعيد لبعيد، ابتدت جوري تركب الال**ب والجارحي معاها بيلعب وعيونه عليها ومن جواه فرحان عشان شايفها بتضحك ومبسوطة.

قضوا اليوم مع بعض لحد ما جوري تعبت من اللعب وبصت للجارحي بتعب.

جوري: انا اتهديت.

الجارحي بضحك: ما لازم تتهدي إنتِ مسبتيش لعبة ومركبتيهاش.

جوري: اوووف ايه دا.

ألجارحي: ايه.

جوري: بص تعالا (مسكت ايديه وجريت بيه).

الجارحي: هي كدا كملت لو الل فبالي طلع صح مش هرحمك.

جوري بنظرات طفولية: اه الل فبالك يلا عايزاه عشان خاطري.

الجارحي بابتسامة: حاضر.

وقف قصاد لعبة المفروض يض*ب عشر طلقات علي الدبدوب الل بيطلع وينزل مرة واحدة ويض*ب 10 منهم وهي**ب دبدوب كبير جدًا ودا الل عايزاه جوري.

بص ليها بقلة حيلة وشاف عيونها بتتامل بالحصول علي الدبدوب الباندا الل عجبها.

مسك البندقيّة وبيصوب ناحية الدباديب الصغيرة وبيحاول يصوبه عليهم عشان ي**ب.

بص بتركيز وقدر يض*ب ال10 وف الآخر فاز بالباندا الكبير عشان جوري وجريت حضنت الباندا ومقدرتش تشيله عشان تقيل.

الجارحي بضحك: استني اساعدك.

جوري: يختااي هو تقيل كدا ليه.

الجارحي: يمكن عشان اطول منك.

جوري: طب يلا شيل.

الجارحي: مين.

جوري: إنت.

الجارحي: هجيب حد من الجارد ياخده.

جوري بعناد: تؤ تؤ إنت الل هتشيله.

الجارحي: يبنتي انا واحد ليه وضعه ومركزه لو حد شافني بالشكل دا هنروح في داهية.

جوري: ماليش دعوه انت مش صاحبي يبقي تشيلوا بنفسك.

الجارحي بنفاذ صبر: إنتِ طلعتيلي منين مش فاهم يشريرة.

جوري: ورايا.

ماشية بثقة ورافعة راسها وشاورت للجارد يلحقوهم وفجاة ات**كلت في حجر كان قدامها، الجارحي ضحك عليها والجارد ابتسموا لطفولتها ومشيوا وراهم.

الجارحي: متعمليش فيها شخصية مهمة تاني عشان شكلك كان يموت من الضحك وانتِ بتقعي.

جوري: علفكرة بقا انا كلها كام شهر وامتحن وانجح وادخل إعلام وابقي صحفية مشهورة وتتمني اعمل معاك لقاء ومش هوافق.

الجارحي: يسلام يعني انا بعد ما اتعملي لقاءات مع اكبر اعلامين هاجي عندك واترجاكي عشان تعملي معايا لقاء.

جوري: نحن نختلف طبعًا، وشيل الدبدوب حلو عشان ميتوسخش من الارض عاااا.

الجارحي: يساتر إنتِ كام سنة بس.

جوري بثقة: شهرين واكمل ال18.

الجارحي: قولتيلي طب امسكي بقا.

رمي الدبدوب عليها وظبط كرافتة البدلة والجاكت وفتح باب العربية وشافها هتقع بالدبدوب شاور لجارد ياخده منها.

بصت ليه بخبث وجريت عليه.

جوري: إنت غشاش علفكرة.

الجارحي: انا يبنتي.

جوري: اعاااا مستفز (ركبت العربية وركب جمبها).

بعد وقت وصلوا لشقة خالد وطلعت جوري مبسوطة والجارحي معاها وبيخبطوا علي الباب.

فتحت ليهم حفصة بخوف.

حفصة بعصبية: إنتِ كنتِ فين.

جوري بقلق: كنت مع....

قاطعتها وبصت للجارحي بعصبية.

حفصة: وانت مش قولت هترجع بيها من الضهر ودلوقتي 9 بالليل وحاطه ايدي علي قلبي لا يكون جرالها حاجة ومش عارفه اوصل لحد فيكوا.

الجارحي: هفهمك.

حفصة بصوت عالي: مش عايزة افهم اتاخرتوا ليه كل دا.

الجارحي اخد الدبدوب ووقف ورا جوري واستخبي وراها وهمس ليها.

الجارحي: ما تشوفي بتهدوها ازاي دي انا خايف.

جوري: شششش بس لا تقتلنا دلوقتي راقب انا هعمل ايه.

الجارحي: إيه.

حفصة بعصبية: انتو بتقولوا لبعض إيه.

جوري بخبث: ولا حاجه(بتقرب منها).

حفصة: بت ابعدي عني.

جوري: ليه بس دانتي حب العمر.

جريت عليها جوري وابتدت تزغزغها في بطنها ورقبتها وحفصة مش قادرة تبعد عنها وبتضحك.

حفصة: خلاص كفاية.

جوري: لسه شويه.

حفصة بغيظ: لو قربتي تاني مش هرحمك، فهميني كنتي فين.

جوري: هحكيلك بس انا دلوقتي يماما جعانة اوي وعمو الشرير دا ماكلنيش.

حفصة: اممم طب هجهز العشا وهتصل بخالد يجي يتعشي معانا، وخرجيه من ورا الدبدوب دا وقوليلوا ميخفش(شاورت علي الجارحي).

قربت جوري من الجارحي وحطت ايدها عليه بخفة.

بص ليها من ورا الدبدوب.

الجارحي: إيه مشيت خلاص.

جوري: اه أمان اخرج يلا.

الجارحي اتنفس براحة وطلع من ورا الدبدوب وشاف جوري بتتلفت حواليها.

جوري: هو فين؟.

الجارحي باستغراب: هو مين!.

جوري: الل كان هيموت الواد في المدرسة من شوية وعامل فيها هيرقليز.

الجارحي: إنتِ اتجننتي انا مقدرش اقف قصاد امك مشوفتيش شكلها كان يخوف ازاي وهي متعصبة، المشكلة اني لما شوفتها قبل ما اجيلك كانت ملاك مش أسد بالشكل دا.

جوري: معاك حق دي كانت حد تاني.

الجارحي: أمشي انا بقا قبل ما تخرج.

جوري: تمشي فين احنا هنتعشي مع بعض.

♡♡♡♡♡♡♡♡♡♡♡♡♡♡♡.

«في المستشفي»•

سليم: زين إنت مش هتمشي.

زين: لا خلصت اهوه يلا.

سليم: طيب يلا ورانا سهرة.

زين: تمام أمشي.

مشي زين وهو بيفكر في حاجة شاغلاه ومخنوق، سليم ركب عربيته وزين هو كمان ساق ومشيوا ووصلوا للفيلا.

شافوا الجنينة متزينة بالنور الابيض والاصفر ومجهزين نار واللحمة وياسين بيجهز اللحمة علي الشواية.

ياسين: جيتوا علي المعاد يلا عشان ورانا سهرة صباحي وانا بقالي ساعة عايش دور سعدية الخدامة.

رزان بضحك: معلش استحمل خد قطع دول.

ياسين بصدمة: دا بصل صح

رزان: اه وانا عشان الحمل مش هقدر اقطعهم ف كمل جميلك.

ياسين: رزان حد قالك اني رابط الطرحة وطباخ ولا حاجه! ما تشوف مراتك يا سليم

سليم بضحك: نفذ الل بتقولهولك ياض.

ياسين: دا ايه معاملة مرات الأب الل بتعاملوني بيها دي هاتي يختي حسبي الله في الظالم والمفتري، امسكي دي وغمي عيني بيها.

رزان بضحك: هات بس أنت جبت الطرحة دي منين.

ياسين: طرحة!! دا شال يجاهلة بس موديل جديد.

رزان: طب انزلي لتحت عشان اغميك حلو.

ياسين: نزلنا يا اوزعة.

سليم: زين مالك ساكت ليه.

زين: هاا مفيش انا طالع اغير هدومي وانزل.

سليم: طيب متتاخرش.

زين طلع ودخل اوضته رمي مفاتيح عربيته بتعب ودخل الحمام وقف تحت الدش وسرحان.

بعد وقت خرج ولبس شورت قصير برمودة وتيشرت نص كوم وبص للدبلة الل في ايديه كانت جايباها روح ليه عشان عجبتها باسها بوجع وجاب صورتها وبص ليها بصة طويلة اوي.

زين: وحشتيني اووي ومفيش حد يقدر ياخد مكانك مهما ان كان مين.

نزل زين وخرج شاف ياسين بيهزر مع رزان وبيضحكوا وسليم بيشتغل ع اللاب وزينب عيونها عليهم ومبتسمة، قرب من سليم.

زين: المفروض تنسي الشغل وتقضي اليوم معانا.

سليم: مشغول اوي يا زين عندي عملية سولو بكرا ولازم اذاكرها كويس دي قلب مفتوح.

زين بابتسامة: طيب هتركز ازاي ف الدوشة دي ادخل جوا.

سليم: لاء انا شوية وهخرج في حاجات لازم اجيبها من برا ونسيتها.

زين: دلوقتي يا سليم؟.

سليم: آه هروح دلوقتي (مسك مفاتيح عربيته)

زين: طيب خلي بالك من نفسك.

سليم: حاضر سلام.

زين: سلام.

رزان باستغراب: زين هو سليم مشي راح فين ومستعجل كدا؟

زين: عنده شغل وشوية وراجع، ارتاحي إنتِ عشان شكلك تعبانة اقعدي هنا(مد ليها الكرسي).

رزان: ميرسي يا زين.

زين مشي علي زينب وباسها من جبينها.

زينب: عامل ايه.

زين: مش عارف.

زينب: حاسس بـ ايه.

زين بوجع: واحشني حضنها اوي يا زينب.

زينب: بكرا تفرح وتتحسن.

زين: لو مع غيرها مش موافق.

زينب: ليه يا زين.

زين: عشان انا مش شايف غيرها كل حاجه جوايا رافضة تصدق انها ماتت.

زينب: نفس الل حاسه بيه بس ازاي مش عارفه، تعالا(حضنته)

زين: وحشوني وبنتي نفسي اشوفها اوي، حاسس اني ماليش لازمة من غيرهم ومش عارف اعيش.

زينب: قلبي بيقولي ان فيه سر في الموضوع ولو مفيش سر مكنش الحسيني هرب ومعرفوش يقبضوا عليه.

زين: بس هو مات من بعد هروبه بشهر ولاقوا جثته.

زينب: بس مات ازاي؟.

زين بتفكير: مش عارف الحادثة مجهولة.

زينب: طيب قوم يا حبيبي اقف مع اخوك وشوفه عشان متتعبش.

زين: حاضر يا زينب، بس إنتِ مصدقاني صح.

زينب: علي ايه.

زين: ان روح عايشة.

زينب بوجع: قلبي بيقولي انها عايشة ومش قادره اصدق او استوعب موتها، ولو حبكوا لبعض صادق هترجع لو بعد قد ايه القدر هيجمعكوا من تاني وهترجع لو عايشة.

زين: وأنا هفضل عايش علي أمل رجوعها ومش هستسلم.

قام زين ووقف جمب ياسين وشافوا سرحان.

زين: ياسين.

ياسين: ها نعم يا زين محتاج حاجة.

زين: محتاج أهم حاجة.

ياسين: هي إيه.

زين: محتاج ابني الل مربيه يحكيلي الل واجعه وميكتمش جواه أكتر من كدا.

ياسين بوجع: عايزني اقولك ايه يعني انا كويس اهوه.

زين: قولي الل حاسس بيه تعالا نتناقش زي زمان.

ياسين: حاسس اني غلط لما اتجوزت ياسمين.

زين: بسبب التغيير الل حصلها؟.

ياسين: آه اتغيرت جدًا بقت حد بيحب الفلوس ونفسه وبس.

زين: ودا حصل ازاي.

ياسين: من بعد دخولك المستشفي بشهر ونص اتفاجئت انها نزلت تشتري لبس ضيق ومش حلو اتخانقنا وبعدها حاولت معاها كانت بتعاند، بقت تطلب فلوس كتير كل شوية، واتصاحبت علي بنات من النادي والجيم وبقت حياتها كلها خروجات و....

زين: سكت ليه.

ياسين: بقيت كل ما اقرب منها تمنعني كل شوية بحجة شكل.

زين: محاولتش تتكلم معاها وتفهم ايه الل مغيرها.

ياسين: كتير اوي يا زين حاولت بس هي بترفض وانا بتعصب وبسيب البيت وامشي.

زين: طيب بص.

ياسين: سامعك.

زين: هتحضر لسفرية لشرم في الشاليه الل هناك وخدها وقضوا يومين مع بعض لوحدكم وقربوا لبعض وكل واحد فيكم يفهم التاني ويعرف ايه الل ناقصه وشايفه عايز يتغير سواء تقصير منها او منك، انتو علاقتكوا حاليًا فيها برود للمشاعر ومحتاجين تقربوا اكتر قبل ما يحصل شرخ كبير صعب يتداوي بعد كدا.

ياسين: هسمع كلامك وهعمل كدا وهشوف.

زين: بس بلاش غشومية معاها وخليك حنين ومتخوفهاش عشان انا عارفك.

ياسين: حاضر.

زين: يلا كمل شوي عشان هموت واكل والريحة مخلياني عايز اكل اللحم قبل ما يستوي.

ياسين: شوية ويجهز اهوه.

فجاة سمعوا صوت صراخ رزان.

زين: شكلوا كدا مش هناكل (جري علي رزان).

رزان: آآآآه.

زين: مالك فيه ايه.

رزان: الحقني يا زين شكلي بولد عااااا.

زين: اهدي بس اتنفسي.

ياسين: اجيب مايه سخنة طيب.

رزان بصراخ: ااااااه مش وقته استعباط يا ياسين.

ياسين: الاه مش بتقولي هتولدي، يا زوزا تعالي شوفي مرات حفيدك(بياكل جزر).

رزان: اعااااا مش قادره هولد بجد.

ياسين: اولدي اولدي تاكلي جزر.

رزان بصراخ: زين ابعده عني بدل ما اقوم اقتله.

زين بضحك: اتنيلي إنتِ فيكِ حيل.

رزان: يا زينب الحقيني وابعدي عني المجانين دول.

زينب بضحك: يحبيبتي بيهزروا معاكي عشان تنسي ألم الولادة.

زين اخد الجزرة من ياسين وحطها في بوق رزان.

زين: خرجي عصبيتك ف الجزرة.

رزان: انتو مجانين بقولكوا بولد، يجي سليم وهقولوا انكوا بتعذبوني وبتعذبوا ابني آآآآه.

ياسين: هههههههه دا سليم هرب بسببك.

رزان: خدوني ع المستشفي.

ياسين: انا ضهري واجعني والل بيشيل كل مرة فلسع وهرب.

رزان: زين.

زين: انا هموت ع اللحمة الل بتتشوي دي من بدري أكل واخدك من عنيا.

رزان بصراخ: انتو بتعملوا فيا كدا ليييه ما تقوليلهم حاجة يا زينب.

زينب: يا حبيبتي مانتي كل شوية ناخدك المستشفي وتقولي هولد ونرجع بيكِ تاني ويقولولنا لسه بدري.

رزان: حرام والله الل بتعملوه دا انا بولد ارحموني.

زين: اولدي ومش هنبص عليكِ يلا اهوه(غمي عيونه).

ياسين: وانا كمان هغمي عيوني يلا.

زين: هااا سبع ولا ضبع.

رزان بصراخ: زين اسمعني وغلاوة حبك لـ روح انا بولد بجد والطلق ابتدي يشتغل.

زين بص ليها بصه طويلة وجري عليها شالها وفتح ليه ياسين باب العربية ركبها وجريوا ع المستشفي.

دخلوا بيها للدكتورة الل متابعة حالتها وطلبت انهم يوقعوا علي ورق دخولها العمليات عشان هتولد النهارده.

الدكتورة: انت جوزها.

زين: لا لا انا اخو جوزها.

الدكتورة: طيب اتفضل امضي علي الورق دا عشان ابدا اعملها عميله الولادة القيصري.

زين عيونه علي رزان بوجع وبيتخيل لو روح الل هتجيب بنتهم النهارده وغمض عيونه للحظة ومسك الورقة من الدكتورة.

زين: اتفضلي.

الدكتورة: كدا تمام، يا ممرضة جهزي الحاله.

بعد وقت رزان دخلت العمليات وزين اتصل بسليم وحكالوا ع الل حصل وجي جري علي المستشفي الل هما فيها.

واقفين في انتظار ولي العهد وقلقانين.

بعد ساعات خرجت الممرضة شايلة الطفل وجري عليها زين بص ليه.

الممرضة: ولد زي القمر.

زين شاله بحذر وخوف وبص ليه بحب وعيونه دمعت قرب من خده وباسه وهو نايم وقرا قرآن في ودانه وقال الشهادة.

فجأة الطفل لا إراديًا ابتسم وزين ايده قريبه منه.

الطفل مسك صباع ايده.

سليم عيونه علي زين ومبسوط عشان شايف الفرحة الل في عنيه وياسين موجوع علي اخوه وبرضوا مبسوط، زين بيضحك ودموعه نازلة والبيبي هادي جدًا معاه.

سليم قرب وشاله وبص ليه بحب وباسه والطفل ابتدي يبكي.

سليم: ولاااا انا الل ابوك مش هو.

زين بضحك: هاتوا وادخل اطمن علي مراتك.

سليم: شوية وراجعلك.

ياسين: ياتي بوتي كوتي موتي.

زين بصدمة: انت بتقرا تعويذة ياض.

ياسين: ايش عرفني بقا مش دا الل بيقولوه لما بيشوفوا طفل صغير.

زين: ياسين امشي روح شوف مراتك عشان مزعلكش.

ياسين: طب العوافي عليك اشوفك بعدين.

زين ضحك علي ياسين وهو ماشي وبص للطفل بحب.

زين: خليتهم يمشوا عشان محدش يضايقك تاني من النهاردة انا وانت صحاب ومحدش هيقدر يفرقنا، ولما تيجي فريده هخليها في حمايتك دايمًا مفهوم.

الطفل بيبتسم لزين وكأنه فاهم كلامه كويس.

....: زين

زين: إنتِ تاني.

.....: ارجوك اسمعني.

زين: ان ممشتيش من هنا صدقيني هتندمي.

.....: انت ليه مش عايز تصدقني.

زين بعصبية: لا والله اصدق ايه بالظبط عشان نسيت.

.....: ان انا روح.

«Flash back»•

وقت ما زين كان قاعد في المكتب في بنت جت جريت عليه.

.....: زين.

زين بصدمة: إنتِ مين.

.....: مش عارفني.

زين: لاء إنتِ تعرفيني.

.....: انا روح يا زين.

زين: نعم؟.

......: ايوه انا روح.

زين قرب منها وبص في عيونها جامد وفجاة زقها بعيد عنه.

زين: إنتِ عايزة ايه.

.......: ارجوك صدقني انا وشي متغير بس انا روح.

زين بزعيق: اطلعي برا.

......: لاء يا زين.

زين فجاة مسك ايديها وطردها برا المكتب.

«back»•

زين: لو انت روح زي ما بتقولي كنت عرفتك من اول ما شوفتك.

......: بس انا شكلي متغير ف اكيد مش هتكون عارفني.

زين قرب منها وبص ليها بتركيز.

زين: لو روح مش*هه ومش باينلها ملامح كنت هحس بيها واعرفها من بين مليون واحدة.

......: انت ليه مش مصدقني اثبتلك ازاي اني روح.

زين: مش محتاجه إثبات.

♡♡♡♡♡♡♡♡♡♡♡♡♡♡♡♡.

«في شركة خالد»•

خالد لبس جاكت البدلة واخد مفاتيح عربيته وقفل مكتبه ولسه هيمشي شاف سارة واقفة وعيونها عليه.

تجاهلها ومشي.

خالد: تقدري تمشي دوامك خلص.

سارة: تمام.

مسكت سارة شنطتها ومشيت وراه وعيونها عليه وهو سامع خطواتها وهي بتقرب.

سارة: خالد.

خالد لف ليها وشافها عيونها عليه بوجع عيونهم بقت في عيون بعض لفترة طويلة، سارة قلبها اتغلب عليها وجريت عليه بعيون كلها دموع ووجع وحب وضمته.. ضمته جامد وهو مستحملش وتبت فيها بشوق ولهفة وعشق ومغمض عيونه، بيضمها لدرجة انه عايز يدخلها جواه، صوت بكاءها في مسمعه وبيتخنق بص ليها وقرب من شفايفها وباسها.

بكل الشعور الل حاسه من ناحيتها،حزن الم وجع حب عشق شوق ولهفة طال انتظارهم.

رفعها لمستواه وضمها تاني وعقله مُغيب تمامًا ومش في دماغه اي حاجة غير انها واحشاه ومش قادر يتكلم او يتناقش معاها ويقولها ليه عملتي كدا.

شادي خارج من مكتبه وراح مكتب سارة ملاقهاش واستغرب، خرج وبص قدامه وكانت الصدمة.

يُتبع..