Three months later...
PINIGIL ni Eira ang tawa matapos makita ang pagkagulat ni Attorney Virgil nang mabungaran siya sa labas ng condo unit nito. Walang pasabi na lumuwas siya ng Maynila at binisita ang abogado.
"Eira?"
Hindi na nito ginamit ang 'sweetheart' na endearment sa kanya matapos niyang malaman ang totoo nitong pagkatao. Hindi niya matanggap. Napapangiwi siya lagi tuwing naiisip na nagpapa-cute siya rito noong high school siya!
"May kasama ka ba sa loob?" nagpipigil ng tawa na tanong niya. Sa anyo nito ay kagigising lang. Baliktad pa ang suot na t-shirt na sa tingin niya ay nagmamadali nitong hinablot para isuot nang may kumatok. Kilala na siya ng guard ng building kaya nakaakyat siya nang hindi na kailangang itawag pa sa abogado.
"Wala. Wala naman."
"Bakit gulat na gulat ka
