Nagpatuloy silang lahat sa mabagal na paglalakad papasok sa kuweba. Kahit nakita na niya ang Sumaguing Cave ay pinagmasdan pa rin niya paligid. Ang mga rock forms na para bang sadyang inukit. Ang mga kulay ng bato at texture na katibayan ng mga taong lumipas. Nag-eenjoy siyang damhin ang kaibahan ng magagaspang na bato na dinaanan nila at ang makikinis at madudulas habang papailalim sila sa kuweba.
Maagap si Athan na alalayan si Eira sa mga matatarik na daan pababa. Pinilit niyang ilayo kina Alex at Joy ang atensiyon. Paulit-ulit ang pagkuha ng babae ng pictures katabi si Alex. Hindi na lang niya pinansin na halos pumulupot na ang babae sa leeg ni Alex tuwing nagpapa-alalay sa pagbaba.
Para mas mailayo sa dalawa ang atensiyon-dahil hindi na rin niya nagustuhan ang nabubuhay na pakiramdam
