KABANATA 21
Nagbabalak nang katukin ni Russell ang pinto ng kanyang kuwarto ngunit sa pang-limang beses ay hindi na naman niya itinuloy.
Kanina pa nakaalis ang mga kaibigan niya at simula nang pumasok si Via sa kanyang kuwarto ay hindi pa ito lumabas. Nag-alangan na ring katukin ng kanyang mga kaibigan si Via dahil alam nilang badtrip na naman ang babae.
Alas siyete nang gabi at nagluto siya ng Chicken Buffalo dahil alam niyang paborito din iyong kainin ni Via kaya lang hindi niya magawang katukin ito dahil baka bigla na lang siya nitong batuhin nang kung anong mahawakan nito o ‘di naman kaya ay tuluyan na siyang mabalian ng buto ng babae.
Huminga siya ng malalim. Sa loob ng tatlumpong minuto niyang nakatayo sa harapan ng pinto ay hindi na niya mabilang kung ilang beses n
