Even the Score

Si Marth ay isa ng successful businessman sa edad na 25, dahil sa matalinong pag-iisip at kakaibang diskarte sa buhay ay mabilis siyang nakaangat at natanyag ang pangalan sa mundo ng negosyo sa Pilipinas.

Ngunit isang pangyayari ang mabilis na magtatanggal ng lahat ng kanyang pinaghirapan at magiging dahilan ng pagkabagsak niya. Sa hindi inaasahang pagkakataon ay isang sikreto ang malalaman niya sa kumpanyang nagmamay-ari ng mga naglalakihang gusali at negosyo dito sa Pilipinas at maging sa ibang bansa.

Sa pagkakataong iyon ay tila mabilis na umikot ang oras, hindi na kinaya ng talino at diskarte na pigilan pa ang isang grupo ng kalalakihan na pawang mga nakamaskara at may bitbit na mga baril ang walang habas na pinasok ang bahay nila.

Pagmamakaawa at pagluhod ang ginawa niya para lang isalba ang asawa at mga anak na nasa likuran niya na mahigpit na nakayakap sa isa’t isa, ngunit walang mga puso ang mga taong nasa harapan nila, sunod-sunod na putok ng baril ang umalingawngaw sa bahay na iyon.

Humalakhak na tila mga demonyo ang sunod niyang narinig at nang lingunin niya ang asawa at mga anak ay naliligo na ang mga ito sa sariling dugo at wala ng buhay. Agad niyang niyapos ng yakap ang mga ito sumisigaw at nananangis sa pagkawala nila. Galit at pagsisisi ang naramdaman niya ng mga oras na iyon, walang kinalaman sa lahat ng nangyayari ang mag-iina niya.

Muli nilingon niya ang mga demonyong panay pa rin ang pangisi at pagtawa, isa-isang pinakatitigan niya ang mga ito. Ipinangako niya sa sarili ng oras na iyon na maghihiganti siya, babalikan at hahanapin niya ang nag-utos at gumawa nito sa kanila at higit pa sa impiyerno ang ipaparanas niya sa mga taong gumawa nito sa pamilya niya.