اعذرني لاني عشقتك

الحلقة الرابعة

البارت الرابع

بعد ذاك اليوم اختفت حور ... و ما شفتها ...

مرت الاشهر و اني ابتعدت عن الحرام و ما كمت انطي مجال لهذيج و هاي و بديت استقيم بعد ما مريت بازمة مالية جبيرة .. و الحمدلله اخوية طلعني منها و كلت وية نفسي عهد علية ما ادنس روحي و فلوسي بالحرام ...

والحمدلله فرحتي بخبر اخوية و انه لكالة بت الحلال و رح يتزوج شكبرها عندي ...

المهم .. فد يوم اخوية كلي ولك قيصر اريد اخذ كم قطعة هدية لحبيبتي بعيد الحب من محلك ... كتله غالي و الطلب رخيص .. كتله جيبها تختار هي الي يعجبها و ان شاءالله المحل كله ... على راسي شكم سلوم عندي ...

ضحك و كلي اوكي لعد اجيبها باجر و هي تختار ...

ثاني يوم و اني كاعد اعدل بالملابس بالمحل .. طب اخوية سليم وحده .. سلم علية و كعد كتله لعد وين المرة .. مو ع اساس تجي ... تختار كلي ... ما اعرف اشو على غفلة كالت هسة اجي عند كم شغلة يم ابو المكياج و اتفقت وياها هنا تجي .. كتله .. خير ان شاءالله ..

ظلينا نسولف و نضحك و دزيتله على بارد و ضيفته ... المهم ننتظر و ماكو .. ما اجت البنية .. كلي شنو السالفة ادري هذني النسوان ياكلن المكياج منشوكت راحت ولهسة ماكو ...كتله دك عليها نست نفسها ...

دك سليم و ماكو متجاوب ... كلي خوي هاي المرة يمكن نستني اكوم اروح الها لمحل المكياج ...

كتله روح خوية و اني انتظركم ...

اخوية طلع من المحل واني وكفت بباب المحل اباوعله ... صراحة ظليت متحمس اشوف المرة الي اختارها اخوية ... و اتشوقت اتعرف عليها ... لان هو يسولفلي عليها هواية كال زينب و حجت زينب وهيجي زينب و كذا زينب ...

اتشوقت اشوف زينب ... الي ان شاءالله رح تصير بالمستقبل اختي ...

هو ديمشي دك تليفونه وشاله و ظليت اباوع عليه ... من بعيد يحجي بالتليفون و يدور بعينه داير ميدور ...

ظليت واكف اباوع و من بعيد شفت وحدة طامسة بعباية ع الراس ممبين من جسمها شي وكفت يمه ...

ماشاءالله خوش اختيار سليم ... كلت بكلبي و اني مبتسم

و على غفلة اندارت هالبنية وشفت صفحة وجهها  لا يا ربي لا لا ..... ماتت الابتسامة و اختنكت بعبرة ردت اروح اقتلها لو بايدي ...

هاي حوووووووور ...... اني متأكد منها .... لا يا ربي لا لا ... حسيت طلقة و طبت بكلبي روحي تكطعت ... معقولة مرت اخوية وحدة مو شريفة ... معقولة اني و مرت اخوية المستقبلية چنه ....... لا يا الهي ...

وظليت مثل الطير المذبوح ... الوب شلون اكول لاخوية و شلون افاتحه بالموضوع ...؟ شأكوله اني و الي تحبها چنه على علاقة وسخة ...؟ ما اريد اصدم اخوية بية ... بس لازم يعرف ...

ظليت هواية افكر ... شلون افاتح اخوية و شأكوله .. فد يوم جان يمي بالمحل كتله بشّر شوكت امي تروح تخطب ... و اني بكلبي ادعي يهوّن و ميروح ... كلي بعد فد چم يوم لان عدهم حالة وفاة اهل زينب ... كتله بالمناسبة شلون تعرفت عليها .. كلي والله يا خوية ...(اخوية سليم موظف بالشؤن الاجتماعية ) فد يوم جتي عدها معاملة للدائرة و شفتها و عجبتني عليها ثگل ما شاءالله ما شايلته مرة ... و هذا بالاضافة لجمالها عجبتني بكل المقاييس ... ترددت هواية ليمنا كمت مرة من المرات لحكتها لبيتهم و عرفت عنوانها ... و سألت عليها بالمنطقة لان اني من البداية جانت نيتي شريفة ... لان البنية مو مال لعب ماشاء الله رزنة و اخلاق و سمعتها بيضة ... و مرة بأحد جياتها فاتحتها بالموضوع كتلها يا بت الحلال اني رايدج بس لازم نتعرف ع بعض ... هي مقبلت و شلعت كلبي شلع ... ياله وافقت و بشروط ماكو طلعة و لا طبة ... (هو يحجي واني بكلبي افتت فتيت على طرف ل**ني دا اكوله صح و هالمخزن شاهد عليها ... بس اخوية ما اريد اخسره لازم انتظر و اشوف فد

طريقة افهمه بيها ... ) كتله زين وهي شعدها بالشؤن الاجتماعية..؟ كلي ..: قيصر مو هي ... سكت و جان يباوعلي صفح ... كتله شنوووجان يكولي هي مطلقة!! اني ابتسمت مستهزء ... كلي ليش تضحك ... ؟

كتله لا هيج ... الله كريم ...

يتبع...