اعذرني لاني عشقتك

الحلقة الخامسة

البارت الخامس

كلي اني ادري امي ما راح توافق ، بس خوية ما اكدر اعوفها حبيتها ... ( هو يحجي واني كرهت نفسي بداخلي .. اريد اشك الكاع و اختفي بيها ) اخوية شلون افهمه هالعقربة مو مطلقة هاي ( ....... )استغفرالله ربي

اوووف دا اكل بنفسي اكل بس الا اكوله ...

سليم..: شبيك قيصر اشو صفنت ..؟

قيصر..: لا خوية هيج ما بيه اكو حسبة ببالي ..

سليم ..: قيصر اريدك تحجي ويه امي و تمهدلها قبل ما احجي اني ..

قيصر ...:يعني شنو قصدك؟

سليم ..: يعني كولها سليم يحب وحده و خوش بنية و سأل عليها هواية ... و من هالحجي ... و كوللهة هي مطلقة بس بت اوادم ...

قيصر ..: لا سليم خوية هذا الموضوع لازم انت تفتحه ...( كلت بكلبي وين الله و امي متوافق )

سليم ..: زين من افتحه وياها اريدك ويايه حتى نقنعها سوة ..

قيصر ..: ان شاءالله ( كتله ان شاءالله واني كلبي معصور ما اريد اتصير هالزيجة و بنفس الوكت دا احس اني خاين اخوية ما اعرف لييش)

مرت ايام واني بعدني افكر شلون احجيله ...

حسمت امري وكلت اكوله قبل ما يفتح الموضوع وية امي بس طبعاً ما رح اكوله اني جنت على علاقة بيها ،. بس اكوله جانت تتردد على اهل المحلات اليمي ...

شسوي لان ما اريد اخسره و بنفس الوقت اريد انقذه من هالجرثومة... خابرته كتله سليم اريدك هنا بالمحل تعال عندي موضوع وياك ... كلي اي جاي مسافة الطريق ...

ورة ساعة اجاني ...

سليم ..: اعذرني قيصر جان عندي شغل وهسة فرغت ..

قيصر ..: لا خوية عادي اكعد دا اجيبلك بارد ...

سليم ..؛ لا قيصر ع السريع لان حجيت وية امي قبل يومين من جنت بتركيا ( رحت لتركيا اسبوع علمود اجيب بضاعة و ظاهر فتح الموضوع هو بهالاسبوع )

وامي وافقت و باجر رح تروح تخطبها الي ... ولك قيصر اني فرحااان و مسايعتني الكاع .. واخيراً هيجي رح اعرس .. ورح اخذ الاحبها ...

قيصر .: (روحي اتكطعت بالزايد ...وكلت بكلبي ليييش خوية ليش تصعبها عليه ... هاي فرحتك موتتني ...)زين امي شلون وافقت ...

سليم ..: حجيتلها على سوالف زينب و شلون اهله ناس محافظين و كتلها اني مخليت واحد مسألت عليها و كلها مدحت بيها...

قيصر ..: ( سالت الغافلين و الي انا المذنب وياها مسالتني ...) شوف سليم رح اكولج فد شي ... بس خوية تأكد ترة اني احبك و رايد الخير الك ...

سليم...: شكو قيصر شنو السالفة ...؟

قيصر ..: شوف خوية البنية الي رايدها انت ترة متلوك النا ... مو من ثوبنا ..

سليم و بصوت عالي ..: شنو هالحجي قيصر ثمّن حجيك .

قيصر ..: هذاك اليوم شفتها وياك ومعرفتها الا من دارت وجهها ... هاي شايفها ..... (سكتت و اتن*دت اجمع قوتي و دعيت بكلبي اخوية مينصدم ...موقف صعب شلون اقنعه خطيبته و حبيبته مو خوش بنية وعلى ايدي )

سليم ..: شنو شايفها .. شنو قصدك..؟

قيصر وبصوت مهزوز ..: خوية الا اكلك هنا جانت تفتر ع المحلات و هي لا محجبة و لا شي و كلنا شابعين بيها ....

وكف سليم وعينه صارت نار ... و رجفت ايده و كلبه بركان ... سودت الدنيا بعينه ... جر قيصر من ياخته و كله يا كلب يا ساقط ... شنو كلنا شابعين بيها ... يا حقييير يعني هم تتهم بنية شريفة و هم تكولي انت جنت وياها ...؟

سليم متحمل و ض*بني بو** على وجهي واني وكعت ومحسيت بروحي لزمته من ايده وبستها ... كتله انطيني واحد بعد و ما راح احجي بس ترة كلامي صحيح ...

و هنوب اخوية زادت النار الي بي و كام يفشر عليه و يكولي يا حقييير اذا انت ما فرحان الي ماكو داعي تطلع حجي مو زين ع البنية ما اريد فرحتك و لا اريدك بعد اخو يا ساقط و نطاني بو** لاخ و راح ... طلع من المحل و و