Kasabay ng paglapit niya, ang hangin ay tila nakisama. Humagibis pa ito at isinabog ang buhok ko. Hindi ko maunawaan kung bakit mapaglaro ang tadhana o baka sadyang maliit lang ang mundo. Pinsan pala ni Jarco ang babaeng hinding hindi ko mapapatawad?
“Bakit ka nandito?” tanong niya nang mas makalapit pa. Dalawang hakbang na lang ang layo namin sa isa’t isa at hindi maipagkakaila na sa mga titig namin ay mayroon ng tensyon.
Nagugulumihanan naman si Jarco na ngayon ay palipat-lipat ang tingin sa amin. Tila ine-eksamen kung bakit bigla-bigla ang pagbigat ng aming pakikitungo.
Hindi ako nagsalita. Pinanatili ko lang sa mahabang sandali ang paninitig ko. Her lip is curved in a devilish smile, na para bang nanunuya sa presensya ko. Hindi ko iyon maitatanggi dahil kung ano man ang na
