Nakakagulat na napakababaw ng dahilan ni Kris, pero kung sabagay, akala siguro niya ay pare-pareho ang mga babae— na madali lang nito makukuha sa isang pitik lang nang kaniyang kamay sa hangin.
"Nagka... boyfriend ka na?" Tila alanganing tanong nito na naging dahilan para biglaan ko siyang balingan.
Kumibot ang labi ko para sa isang ngisi saka bahagyang nailing, may parte sa akin na nahihiya sa katotohanang sa edad kong ito ay hindi pa ako nagkaka-boyfriend.
Well, sabi ng karamihan ay maganda naman daw ako. Matangkad at may kayumangging kulay, sabi pa nga ay pwede nang ipanlaban sa Miss Universe o irampa bilang model sa Victoria's Secret.
Marami na rin ang nagtangka na ligawan ako, lalo na noong pumasok ako ng kolehiyo, ngunit hindi ko mawari kung bakit hindi ko sila magawang magustuh
