قلوب تائهة

الحكاية الاولى ج الاخير

حبنا انتهى وراح خليني مرتاح لاتهيج جروح ناسيهة گوة...

ساعات اغاني نسمعها تصحي بداخلنا الف جرح مضموم..

طلعت من بيت سرمد وكأنو حمول عن ص*ري وانزاحت وآخر كلمتين گالهم ..ب١٢سنة عشتهم ويا أو يمكن ١١سنة ..المهم وصلت لبيتي ..غسلت وبدلت..ولزمت سجادتي ..وصليت شكرت ربي هواي شكرتة على نغم ماكنت حاسة بيها بيتي اولادي خواتي علي وعمر ..اخوان الله سخرهم الي مو من امي وابوية بس وگفو وياي ..لان طول عمري واگفة وساهم ومااتذكر بيوم ردت مقابل..عرفت كل الصعوبات المريت بيهة ..وخروجي منهة تسخير من رب العالمين..وتعلمت درس بحياتي ماانسى ابد مااندم ع نية اوعمل صادق سويتة بحياتي كلهن مردودات ،كل السويتة سلمت اموري لرب العالمين وتركت الايام تبينلي كل شي..

كملت صلاتي ودعيت رب العالمين يحفظ هاي الهبة البداخلي..وميحرمني منها..

كمل يومي ومااعرف شون كمل المهم ..خلصت من حمول هواي..

ثاني يوم كان يوم جمعة ..خابرت خواتي وگتلهم يجون يتغدون يمي..

يمكن رادو يتحججون بس اني ماانطيك المجال..

ومثل ايام زمان ..طبخت وحضرت روحي لااستقبالهم..هم وجهالهم وطبعا جهالي علي جابهم وسرمد مامانع..

ورجعو لحضني بعد ما طفح الكيل ويا ايمان مرات اتذكر حجي عبير وأحس بالشفقة ع ايمان رغم هي هجمت بيتي ..

بس تبقى هي مرة ان**رت وانخذ منها ابنها ودورت الستر بعيد عن كلام البشر اليوجع ،وكلمة المطلقة التجرح والاهل يرخصون بناتهم وحدث بلا حرج..

لهذا معاد تفرق عندي رجعت الضحكات تملي هذا البيت ..

وانسى موضوع علاء..

طبعا ظليت مصرة ع موضوع الطلاق..

وبهالاثناء سرمد تمرض وساءت احوالة..

ولهذا الولد وگفو ويا اخوهم وإني سكتت خواتي مايحجون ولايمنعون ازواجهم اذا كانت مساعدة ماديا أو دعم معنوي ..

هيج واحد يحس بالصفاء داخلة رغم الجرح عميق..

رجعت اداوم بجامعتي ..

وانفصلت عن سرمد ..وبقت اشهر العدة ..

وشي ثاني حبيت يبقى نظام البيت مثل ماهو لهذا سرمد كل جمعة يحضر للبيت ويگعد ويا اخوتة وإني اطلع تلافيا للاحراج ..وماكو داعي نهيج مواجعنا..

عبير رغم تحذري منها هي ومروة لكن موقفها وحجيها صحى بية إنسانة قوية وبالاخير هي ضحية..

وصيت بنية تلكي آلهة شغل..اشتغلت سكرتيرة عند طبيبة نسائية ومن يخلصون المراجعين تقفل العيادة وتنام بيهة هيج تخلص من الحرام التالي وحيل فرحت لهالموضوع ودائما تشكرني ..

لكن شكري الها يفوق العمل السويتة آلهة ..عمود نصلح المجتمع ونكافح الفساد لازم نبدي بنفسنا ونصلح الحوالينة..وعبير كانت ضحية زوج واخ غير متفهم..صعبة الإنسان يصفى بلا سند اعمى بهالدنيا بس الفضل لااهلنا تركو النا مانستند علي مال وشهادة وكدرنا نظمن مستقبلنا ومستقبل اولادنا..

واحنا دائما ع اتصال ..

زينة وعمر حياتهم حيل تغيرت رغم المشاحنات والقتل مستمر بسماشية أمورهم ..

سارة تخرجت واخير وصارت حامل..

وإني وزينة وياها لان تعبانة طول الوقت..

اولادي هم سعادتي محسو بشيلان ابوهم حواليهم ..وهذا كبب مشاكل لسرمد..رغم احنا مانتواجه ..

سرمد هاي التجربة علمتة قيمة الاشياءالخسرهة ..عائلتة استقرارة اولادة..

....

سرمد: ايمان..اني طالع..

ايمان: وين طالع..

سرمد: كل ظني خائفة علية لان غاسل ..والجو بارد.

بس نسيت شغلة اني مو بيت زمن اني ويا ايمان ..

وماكو أحد يخاف علية ولا يخفف عني..

ماكو اكل احبة،اكو اكل هالموجود..

ماكو احد يلبسني ملابسي وإني نايم, اكو سرمد گوم تأخرنا موعدنا الصالون اهلي..

ماكو راحة ..وكافي ياجهال ابوكم مريض..

اكو سرمد گوم اهلي هنا اخوية اجى ..كل مااروح للبيت ماالگى زمن يمكن طالعةويا صديقاتها أو يمكن علاء يواعده ينتظر تخلص العدة عمود يزوجهة..ليش قبل مااحس مشاعر اتجاههة وهسة احس گلبي محروك عليهة..واذا حاولت استغل اولادي تفاجئني بقوتهة وتگول تفضل اخذهم..

ويبدي تذمر ايمان من تصرفات اولادي ومكانة الضيق ومد*كفي المصرف..

كلها طارت وضاعت مكنت حاس بقيمة الاشياء العندي واكثر شي واجعني اني خليت علاء..يكوش ع عقل مرتي بكم كلمة كلتلهيا وإني مو بوعيي أو ممقدر قيمة الاشياء الي املكها..

...........

زمن: مرت اربع اشهر تقريبا ..علاء دزلي نسوان يفاتحوني بسالفة الخطوبة..

ومو بالي..

المرأة تأخذ وقت عما تنسى تجربتها لهذا انصح بسنة عالاقل عمود تگدرين تاخذين قرار..

وظل ..يفهمني عن حياتة واولادة ..

من أنصار موضوع الزواج سرمد انسحب معاد يجي ولايتصل ..

ماانطى اكو جزء مني يصرخ يگول اريدة بس جزءي العقلاني يگولي انتهينا بلا حب..ولا وجع راس..

الموضوع زاد عن حدة لحد مافتح عمر وياي موضوع سرمد واحراجة ..

زمن: عمر ..اذا عندكم مشكلة تجون هنا عمود سرمد فاأني ابد ماعندي مشكلة ..انتو المسوين المشكلة ..

انتو گلتو احنا اخوتج..

عمر: صحيح والله..

زمن: لعد بحكم الإخوة البينا اهل علاءرح يتقدمولي ..وإني ماعندي إخوة غيركم..وانتو ازواج اخواتي..

عمر: بس زمن جهالج واله هذا نسيتي شسوة..

زمن: مانسيت شون اخوك كعد بالصالة يصيح اتزوج ومالكم علاقة ودار وجهة

وهسة دتدافعون عنة..

المهم هو حر بحياتة والله يسعده بس اني هم الي حق اعيش وارتاح بحياتي..

عمر: والله مو عمود سرمد بس مااريدة تستعجلين بقرار تندمين علي بعدين علاء أساس المشكلة،

زمن: لا وانت الصادگ الي وصلة كل الحجي ..

اني اريد اسوي شي لااول مرة لراحتي لسعادتي..

عمر: مثل ماتريدين..

مرت الايام وإني احس روحي تعافيت . .

صح مامقتنعة فكرة الزواج بس حاسة هيج ارد اعتباري واحسس سرمد اني ابد ماواگفة علي..

وإني مكملة حياتي ومو هامني..وارتاح من هوسة ايمان كل شوي گامزتلي تريد تحافظ ع زوجهة وتبعدة عني..

مااعرف هاي الايام شون عدت..اطلع واطب ..تحافظ ع صحتي ومرات اطلع ويا دلال ..تقضي وقت ويا اولادي..اقريهم ..نهاية الأسبوع اوصلهم لبيت ابوهم وهم يحجولي عن المشاكل اليبين ابوهم وايمان والحجي تحجي علية..

محظوظة مو مثل حظي طلعت بزواجة جديدة وشمرت جهالهة علينا..

كأنو المرأة مالها حق تعيش واذا مخلفة تدفن نفسها بالحياة..

والرجل يطلع ويطب ويتونس ويجون جهالة بالاخيرعالجاهز ،من زمن الاشياء التعلمتهة هي فن التجاهل وچنت متحضرة انو سرمد يكلي اخذ الجهال..

مااعرف هاي القسوة مين جتني..المهم بالاخير اعيش بسلام رغم حجي الكل..

مرات احس سرمد يراقبني يشوف اذا اتواعد ويا علاء..

حقة كرجل يشك ويبسط ايدة علية حتة لو مطلگين..المرأة تبقى جوا ايد زوجهة حتة لو عافهة..

سمعت انو سرمد گالب الدنيا ومتعارك ويا علاء وعلاء كايلة انو اني ماانطيك وجه وشريفة وهاي المكدرت انت تقدر وتصونة صارت حياة سرمد رماد ..

وحتى الجهال مكعد يمرالهم..

اتعلمت عادي يكون مسافر اوحاير هو بمرتة ..

بديت احضر لحياتي الجديدة بسرغم زواجي بسرمد تقليدي بس مااعرف اكو شي چان داخلي مو حاستة هسة ..

رغم علاء انطاني عهود يعتبر اولادي مثل اولادة بالمقابل اربي اولادة ..

مجرد حجي خالي من المشاعر..

بيوم خلصت تلفوني من علاء..سمعت دگت الباب بيت سارة طالعين ..

خفت ..ظليت متبسمرة باوعت بالكاميرا هذا سرمد ..عزا شجابة هذا..

شفتة وگع بالكاع ..

ركضت عالباب فتحتة جان كوة يستند عالحايط شكلة شارب..

زمن: سرمد..انت شجابك..؟

سرمد: تعبان ..زمن تعبان ..وروحي گاعد تطلع مني..

زمن: خيرك ..شكو ..

سرمد: اني رايح ..

جان كلة ان**ار وتعب ..مااعرف شنو داخلي بس ماردتة يروح..

سرمد..تعال وين رايح وهذا حالك..

مااريد اضايقج ..اروح احسن بلكي اموت واخلص..

زمن: تعال..تعال فوت..

كوة جريتة ..استند علية ..كل ظني شارب..

زمن: هاك هاي كهوة شوي عمود تصحصح..

سرمد: ماشارب اني زمن..بس تعبان..

زمن: شبيك سرمد شنو صاير..عندك مشكلة..

سرمد: زمن ..انتي صدك رح تزوجين ذاك..

زمن: سرمد..انت مالك علاقة بالموضوع واذا تهددني بالجهال من بأجر الصبح اخذهم..لا تظل مذلولين عمود الجهال...

سرمد: زمن..لاتزوجيه ..بداعت جهالنا بداعت كل شي حلو بينا جان لاتتزوجين...

زمن: وليش ماازوج من حقي اعيش..

سرمد: هذا مو ثوبج زمن لاتسوين شي عناد تندمين علي عمرج كلة..

عوفج مني ..وعوفج من حبنا..بس جهالنا هم اللي رح يتأذون هذا واحد ميخاف الله..

زمن: وانت..تخاف الله ..خفت الله بية من درت وجهك وتزوجت..

سرمد: درت وجهي..انتي الدراسي وجهج الي وضحيتي بية گتيلي روح مااريدك ماباقية عليك من زمان ودي اهجرك شتريدين شسوي اني..رجال استفز بكرامته ..

صح تهورت وركبت راسي بس ندمت والله ندمت وروح امي ندمت تعرفين مااحلف كذب بيهة ..

ندمت ع كعدتي واكلي وشربي وجهالي وبيتي كل شي مشتاقلة..

ضعت بلياكم ..

لزم ايديناتي..وكعد يبجي ..مشتاق ايدج تحضني وتطبطب علية ..

مشتاق لخوفج ولهفتج علية ..زمن..

محسيت روحي بلحظات شون صار راسة ع ص*ري ويبجي ..

ضعفت حيل معرفت امد ايدي الة واگلة تعال اني هم اشتاقيت الك عمري محبين انسان غيرك..

لو اخلي يتوجه ويحس الالم الحسيتة..

كلها لحظات شافني مامتجاوبة ويا ..

كام ع حيلة ومشى بخطوات متثاقلة ..

وماحسيت علي شون وگع..

سرمد..سرمد..

طبگت الإسعاف واخذو ..

اني وعمر وعلي ويا ..ننتظر احد يجي يطمنا..

اجة الدكتور وبلغنا انو بالع دوة وصاير عندة قرحة نزفية وخسر دم ..لازملة..

بقينا للصبح ويا ..صحى ع اخوتة تحمدولة بالسلامة..

اجتي الممرضة انطتني سترتة واشياءة. ..

مااعرف شنو اجة بالي اويمكن الغيرة حركتني لازم تعرف ايمان انو سرمد وگع ببيتي ..دكيت عالرقم محد يشيلة اخر شي طلعلي صوت ولد..

الو ..نعم..

مرحبا ..هذا مو رقم ايمان..

املج كائن من تكونين كوليلة لسرمد حق اختي يوصلهة لحد عدهة بنات الناس مو لعبة تزوج وتطلك..

مفهوم..الو..الوووو..

ظلالصوت يحجي..يعني سرمد طلگها لاايمان ..

مركم يوم احنا ويا سرمد بالمستشفى دارولة دم لان صار عندة فقر دم حاد..

مجان حاب نظرتي تكون الة شفقة ولا شماتة ..ولا يريد اذكرة شون عافني وإني باامس الحاجة إلة..

طلعو الولد ..عمر اتعذر ..لان يعرف زينة لسانها طويل ...

علي كال..اخذة يمي ..

بس وجودة بالطابق العلوي شوي زحمة علي لهذا اقترحت عليهم يبقى بالبيت وإني اصعد فوگ..مااعرف..شنو الحلاني اسوي هيج بس اكيد هاي عشرة وعمري مااخونهة ولاانسى انو هو ابو اولادي..

اول ايام سارة تكفلت بس الحمل وتبعاتة شوي خلاها تتخاذل..لگيت روحي اني قائمة بي خائفة لا ينت** ببساطة ..الحب عمرة ما يتحول كراهية وكل واحد وحليبة مو شرط نرد الإساءة بالإساءة ..فالعفو صفة الانقياء ..بالنسبة لخطوة الزواج اني شلتها من بالي وبلغت علاء مو علمود سرمد بس اكتشفت انو الحياة مو انتقام ..اكيد الانتقام رح يكون حوالية وبس وجهالي رح يتأذون مو عيب انو نتأخر بتصليح اخطاءنا المهم تتصحح قبل حدوثها..

بمرور الوقت اخطاءنا الي ارتكبناها بالماضي مرح تنعاد ..مرات القدر يرسلج دروس مجانية تصحيك من الغيبوبة العايشهة..

بدى سرمد يتعافى ..ورجعت لمتنا مثل ايام زمان ...رجعنا اني وسرمد رغم كل الجروح القدمهة الي سامحتة..

سامحتة ..عمود كل لحظة حلوة ماعشناهة ردت ارجع حساباتي..واعيشهة واخلي العيب والجهال واخواني والناس..

سامحتة لخاطر اطفالي يتربون بجو عائلي مريح مو كلمن بجهة والمشاكل متخلص..

سامحتة عمود احس بالراحة الي اعتدت اعيشهة ..صلحنا اخطاءنا وبدينا من جديد ساعات البعد يعلمنا قيمة الناس النحبهم وعايشين وياهم..

بالختام الف سلام اتمنى تكونون استفدتو من القصة دائما اكو أسباب ورا كل شي ..ماكو خيانة تجي من فراغ..

الحياة مو ممقصرة علي تنظيف وطبخ وكل شي بريدة حاظر..حبي نفسج وبطلي دور الإنسان الالي..عيشي مساحة بنفسج ولابأس ببعض الأنانية ..

كتم العتاب ومانحسة من مشاعراتجاه شركائنا ممكن يحدث فجوة كبيرة بينكم..

عاتبو العتاب يغسل الگلوب..

لاتنسون تخففون الأثقال عن نفسكم..

وكل شي يصير بينكم مادام بالحلال لاتستحوز منة ..اتركو مساحة انفسكم ولاتخلين زحمة الحياة والاهل ومشاكلهم تنسيكم تعيشون تحبون تستمتعون دائما اذكرو الآية الي يقول بيها سبحانه(قل من حرم زينة الله التي اخرج لعباده والطيبت من الرزق)

كل شي مباح للمتزوجين ..لاتنسون الأدوار انتي بالذات لاتخلين المسوولية تخليج ام حتى لزوجج لاتنسين انتي زوجتة دلعي ..وشخلعي..عادي عادي..

لاتنسون ..ايمان إنسانة حالها حال اي وحدة تريد تزوج وتستقر حتة لو هي مطلقة من حقها تعيش وتتزوج واكيد مو كل وحدة تزوج واحد متزوج تكون شريرة وتريد تخرب الشغلة شغلة ميصير نهجم بيت عمود نبني بيت فوكاه بالنهاية ميعمر بيت انبنى ع حطام غيرة..

واكو شغلة مهمة احب تنتبهولة اكو هواي جلسات نسائية ورجالية ارجو التوعية بيهة الي يحصل بغرفة النوم يبقى بغرفة النوم متعرفون المستمع شوكت ي**ن أو شلون رح يتخيل وهذا الصار ويا سرمد وعلاء ..

بالنهاية لاتنسوني من دعواتكم وملتقانا ويا قصة جديدة غدا ان شاء الله وحسب التفرغ ..

تحياتي..

نازك الملائكه..