قلوب تائهة

الحكاية الاولى ج٢

اصعب مافي الخيانة انو انتي مو گادرة تستوعبيها صعب تتحملين حبج وحياتج وتعبج كلة ع كف عفريت السلام الكنتي عايشتي حتى ولو انتي باب المشاكل والخلافات بس تحسين بالتهديد واول مرة جربين الخوف الحقيقي الوجع الحقيقي الخسارة الحقيقية كلها بهاي اللحظة تحسيها وانتي قوية مو ضعيفة فما بال لو كنتي ضعيفة ومربوطة بحبال لاضيعين حياة غيرج ،اخواتي خصوصا زينة ع طول مشاكل ويا زوجهها،اكيد رح تنجن وتخرب حياتها ،سارة اختي الحلوة الرقيقة هيج تدمر حياتها وبعدها مشافت فرح ولاحياة،احنا ثلاث خوات بلا اخ بلا سند وين نروح صح هذا البيت ثلثينة بااسمي بس هم مااكدر اعيش بي ،كل ذكرياتي الحلوة والتعيسة بهذا البيت اوووف زحمة الافكار المخاوف كلها زاحمت دماغي المتعب وقلبي المجروح ،وسط هذا الزحام اشوف سرمد خايف ومرتبك ،معقولة كل هذا التمثيل معقولة هذا سرمد الطيب الترف. اذا توجع يبجي ويتوجع يطلب مني اخفف عنة بحضن بحب عمرة ماكذب علية ،لو كان كل هاي الفترة يكذب علية معقولة جنت مغفلة طول هالوقت وكل المريت بي لعبة ..لا..لا ياربي..

سرمد: زمناية ..حبيبتي ..انتي زينة بيج شي ..

زمن: سلامتك مابي شي انت شون جان موعدك،

سرمد: هاااا..عوفج منة انتي زينة تروحين طبيب وانتي من يمتة ضغطج يصعد ليش هيج كلة من وراج..

زمن: من ورايا؟

طبعا ،هاملة روحج وملتهية بينا اكلج دير بالك ع نفسج وانتي ولايمج،

يلا..بدلي اوديج طبيب بالحارثية كلش زين خ نفتهم شسالفة؟

زمن: سرمد ..انت تخاف علية ؟

سرمد: شهالسوال احنا كلنا شعدنة غيرج

متعرفين البرة شنو وضعهم ..

سلامتج حبيبتي ..خوفتينا كافي..

اطلعج ملابس ..يلا نبدل ونروح..

سرمد..تعبانة عوفني ارتاح بالبيت ، نطمن عليج وبعدين ..

سرمد..

اشششش..

يلا ..كومي بيج حيل اساعدج..

بهاللحظة مكدرت امنع دموعي تنزل وإني اسمع واشوف اهتمام سرمد وحبة الممفهوم ،

سرمد: زمن ..حبيبتي ..انتي بيج شي دتتوجعين..

مسحت ..دموعي..

لا ..مبية شي بس لان تعبانة ..

سرمد : ديلة ..گومي ..

ركبت السيارة ..وويايا عمر وزينة وسارة بقت ويا الجهال..

جانت زينة الوحيدة البينة الي دائما احساسها ميخيب ع كولتهم برج العذراء حدسة بالمكان جانت حاسة وشامة ريحة تعرفني قوية ومااوكع دائما تحجي علية لان مدلله سرمد والجهال وحتة زوجهة وسارة الكل،

جانت نظراتها الي كلها أسئلة ...وإني الهي نفسي ..

وصلنا للطبيب ،وحجيت ويا وكل شوي يعقب سرمد وعمر ناسية روحها ومتاكل تعبانة ..للحظة حسيت خوف عمر الي يصور الناس اخوية وعلي هم اخواني وأكثر خائفة هذا الحب يختفي بلحظة هو اني كبرت ،اي يمكن كبرت وصرت محلوة لهذا سرمد دور علية ،بس ..

قاطع افكاري صوت سرمد الخائف أو يمكن يمثل الخوف..

حبيبتي ..تعالي يلا نروح للمختبر...

ليييييش..

شنو ..ليش مسمعتي الدكتور شكال لازملج تحاليل، ضغطج بعدة صاعد ..شنو دايخة ..صفنتي خلت الطبيب يركز ويوجهم اسوي مفراس لاتكون جلطة ومو حاسين..

سرمد: لاااأ..گول غيرها دكتور مرتي بعدهة صغيرة ..

زمن: بعدك يعني شايفني صغيرة ..

الطبيب: مو شرط ..بس نچيك افضل..

زينة: بس گليلي شمسوية بروحج زين هيج خ يفيدوج ذولة الثلاثة ..

عمر: زينة ..مو ناقصيج..

علي: سلامتها ..أن شاء الله ماكو شي تعب ويروح..

انتظرت سرمد الي مااعرف تعابيرة شتحجي ..

ظليت صافنة عليهم وأحس روحي رح اوگع ..صرخت ..كافي دخيلكم لاتتعاركون راسي رح ينفجر..

سرمد : سلامتج ..سلامتج ..يلا امشو كافي..

كملنا التحاليل والمفراس ورجعنا للطبيب..

الاملاح والدهون صاعدة ..

والحمدلله المفراس مابي شي..

لازم اتبهرز وابتعد عن التوتر ..

ومتابعة ..دنعرف هذا ضغط انفعالي لو غيرة ..

رجعنا للبيت ..وعمر راح جاب العشا..مكدرت اكعد وياهم وسارة قرت الجهال خلف الله عليها ..

وزينة غسلت المواعين..

زينة : بأجر ..اطلب إجازة واكعد وياج ترتاحين ومعليج بااحد..

سارة: زينة اني اضرب الدوام وابقى يمهة..

زينة: وانتي ناقصة خلصيها هالسنة واتخرجي بلا **ل ..

زمن: شبيكم ..ترة كلة تعب ورح يروح ..كافي روحو لبيوتكم ..بأجر اصير زينة ..

سرمد: اني ماخذ إجازة ورح ابقى وياها مالكم علاقة..

زمن: تفاجات من تصرفةوصار جواية صراع يرفض يتقبل الصار وكل شوي اكول باعي حبة مستحيل يفكر بغيري وارجع اتذكر الشفتة بعيني والكالتة دلال..واريد ابجي ..

كل السويتة درت وجهي وغطيت وجهي و هو فهم انو اريد ارتاح ..طفى الضوة وسد الباب..

ظليت ابجي لما نمت..مااعرف جكد من الوقت بس جان يمكن نص الليل..

حسيت عطشانة ،وبالي يم جهالي ..

گمت اطمن عليهم ..غطيتهم وظليت اتمعن بيهم جكد مرتاحين بيتهم وع أسرتهم .

شلون بيوم وليلة اقلب هذا الاستقرار والأمان..

اعتصر قلبي ..سديت الباب ومشيت خطوات دا ا رجع لغرفتي باوعت سرمد متمدد عالقنفة والتلفزيون مفتوح رف كلبي علي رحت جبت غطا وجيت اغطي ..

طفيت التلفزيون ..وبكل خوف كانو واحد من اولادي غطيتة وشلت التاب من يمة باوعت بوجهة نفس الوجه كل يوم ملامحة الي خلتني طول هالسنوات أحبة واخاف علي لسى كلمات عمتي بااذني..

بنيتي زمن ..اعرف دا اثگل عليج اني واولادي بس يشهد الله من ساعة مدخلتي البيتي صرتي بنتي واعز والي يزعلج يزعلني بس ترة اكثر واحد أحبة وقريب لكلبي هو سرمد ماكو بترافة گلبة وإذا حب شي يظل للموت يحبة اني دللتة هواي ، وانتي هم مااوصيج بي اعتبري ولد من ولدج لاتبخلين علي لاحب ولادلال هذا تعبي زمن مااريدة يتبهذل وهسة مرور الوقت تشوفين جكد يحبج ويدللج ..

بس يتعلم عليج..

وكتها كان الحب بينا صفر وجنت مجرد سرير يفرغ رغباتة بدون مشاعر لحد ماانتفضت وردت أطالب بحقوقي كاانسانة احب وانحب ، مو بس زوجة وأولاد..

مرت سنة وسنتين ..

جنت ازعل واوصل يم أبوية يكلي ماعندي بنية تطلگ بعدين كليلي شناقصج بيتج زوجج خوش آدمي وعيالج ناس ادمين شايفة شي كليلي واذا اخلاقة مو زينة وياج اعرف اتصرف..

جنت اوكف متبسمرة ولساني دائما ي**ني ومااكدر أحجي شااكولة لاابوية صار عندي ولد واثنين وهنا وگفت كلت مااريد بعد ليش اخلفهم وإني مااعرف شنو مكاني بحياة سرمد..

لحد مااجة هذا اليوم الحجتلي عمتي عالبنية اليحبهة وانو هي صارت ماضي اهلها زوجوها وعنده ولد هنا ترتاحين وتعبت نفس الوقت ..

يعني ماكو تهديد الحمدلله بس صار كابوسي هو يحبني ديفكر بذيج ..

وسويت مشكلة ويا أبوية لان راد يزوج زينة لعمر ..واستغرب هواي ..

ابو زمن :ممكن تكليلي شبي حماج مو خوش آدمي شايفة شي علي...ترة خبلتيني غير تحجين ...

زمن: لا يابة ..بس يمكن تجيهة قسمة ثانية ليش نر بط احنا خوات مشاكلنا وهو ساتنا..

ابو زمن: زمن ترة صدك گمت اشك بيج ولج انتي عندج شي وتريد تخزينا ..

زمن: لا ..بابا شتحجي ..

اني بس مااريد مشاكل ..

يعني شنو المشاكل ترة سألت اختج وهي قابلة ليش ت**رين قسمتها وشفت شكد مداريج ..شسالفة زمن ..

زينة: زمن ..انتي ليش متتمنيلي الخير ترة اني وعمر بينا حب وجان منتظر اتخرج ديتقدملي ..متتمنين الخير لااختج ..

زمن: بالع** حبيبتي ..اني اتمنالكم الخير انتو خواتي ..مااريد مشاكلي تأثر عليكم ..

زمن..شنو مشاكلج ترة مو عمية اني ودا اشوف شكد مرتاحة وعمتج والولد جكد يحبوج ..بعد شهالحجي..

زمن ،لاتكونين تغارين لحد يأخذ مكانج..

زمن: شهالحجي زينة ...اني اغار منج متمنيا منج الكلمة ..بالخير عليج وشايفة كل الخير..

ام سرمد: زمن ..هسة اني مر تاحة ومطمنة ع اولادي بعد علي اطمن علي ياريت تكمل السبحة وأخذ سارة لعلي..

زمن: خالة سارة صغيرة بعده ممكملة ..

ام سرمد: وشكو بيهة يمة تكمل يمنة ..انتي مو خلصتي دراسة يمي غثيتج اني ..

زمن: لا يمة ..لا وحق هذا الله انتي امي واكثر..

ام سرمد: لعد خليني ارتاح وازوج سارة لعلي واطمن عليجن وعليهم امج الله يرحمها وصتني بيجن ..

زمن: خالة بلة علي مراد أو سارة متقبل..

ام سرمد: لاتخافين اني خالتج ..حسيت نبض علي شو كيف وسارة هم بعد الملاعين صايرين طيور حب من ورانا ..

هههنن..يلا الله يتممهة ع خير تخلص سارة ثالث ونزوجهم ..

توفى أبوية وامني ع خواتي وخليني دايرة بالي عليهم ..وصارو عائلتنا وحدة تمسكنا بحبال بعض ..وصار بينا رابط اقوى من الحب واقرب من الصداقة مينام اذا مو ايدي حاظنتة مصار بينا ولامشكلة هو استسلم وصار ابني واستلمت البيت وصرت مسوولة عنة..

ولسى اذكر وصية عمتي وهي توصيني ع البيت والولد ..وخصوصا سرمد..

أمانة الله سرمد لاتعوفي زمن والتخلي يروح لوحدة متسوة كانو كلبهة علمهة ..

جنت جالسة أتأمل وجهة غطيتة ودا ارجع للغرفة ..صحى ..هبط..فرك عينة ..

ها ..زمن شون صرتي..

اشرتلة... الحمدلله..زينة وكمت دا امشي للغرفة شال الغطا ولحكني ..

مردت ازعجج بضوة الموبايل كلت ت تاحين مااعرف شون غفيت...

زمن: ترة موبايلك نسيتة بسيارتي ورجعت دا انطيك يا وصار الحادث.

سرمد :لا..صدك ..تعرفين وإني ادور علي عبالي ضاع ..كل اسمائي بي..

زمن: اشرتلة ببرود زين يعني...

سرمد: زممممن..

هااا....

دير بالك ع نفسج..دخيلج..

زمن: هو ليش احنا الضحكة متلوگ النا ليش بااكثر لحظات الحياة الي لازم نكون سعداء وفرحانين تضيع فرحتنا وتنكد ع حياتنا حاسة بغصة بكلماتك ياليتك ماتحجي ،ماتعرف ويا كل كلمة تجرحني اكثر وتفتح جروحي..

تصبح ع خير سرمد..

سرمد: زمن ..انتي بيج شي صاير شي بالدوام وياج ..

زمن : ماكو شي ..

ماالح عليج ..خليج مرتاحة..

زمن: درت وجهي وداخلي غصة ردت تغمض عيني ماكو ..

ثاني يوم الصبح احس روحي تعبانة **ولة ع غير العادة ..

گوة گعدت ..الساعة خمسة ونص صليت

وحضرت غراض الريوگ وحطيت الجاي عالنار والكلاصات ..وأحس جسمي كلة يرجف ..

خطواتي بطيئة ..

دا اشيل الماعون ان**ر من ايدي...

وصحى كل البيت..

سمعت صيحة سرمد ..زمن بيج شي ..

بداخلي ..اگول لا تسالني ..لاتخاف ..لاتمثل الخوف ..

سرمد: فدوة ..فدوة ..

انتي شگومج مو مريضة..

رديت بنبرة مستفزة ..

لاااأ..مابية شي ..

سرمد: زمن ..شبيج انتي العصبية من الصبح شكو..

ماكو شي سلامتك لازم لا اتعصب ولااتعب ولااتمرض ..اني قالب ثلج مو لازم أتأثر ولااضوج..

تعبت منكم ومن قهركم ..كاااافي..كاااافي..

**رت ماعون ثاني وتركت وجه سرمد المذهول واولادي الكعدو فزعانين ..ع صوتي العالي الممتعلمين علي ..

فتت للحمام وظليت ابجي لان فقدت ..ومسيطر ع اعصابي..

غسلت وجهي باوعت بالمرايا تحدثت حديث الروح ..هاا...زمن شبيج هيچ بسرعة ن*ديتي ..خليتي بموقف ينهي حياتج ..اصحي خلص..طز بي خان ولا ماخان ماعاد يهمني ..

غسلت وجهي ..وفتت بدلت ..

فاتو خواتي ..علية ..جنت ابدل..

زينة: هاي ..شنو مبدلة رح تداومين ..وإني اخذت إجازة عمودج..

طبطبت ع چتفها ..زين تفرغي زوجج ريگي احسن مايومية يجي المسكين مامتريك..

زينة: زمن ..انتي بيج شي..

زمن: لا مبية ..

سارة : زمونة حبيبتي انتي تعبانة ليش ماترتاحين..

زمن: انتي هم شدي حيلج وتخرجي لاانتي محسوبة من البنات ولا انتي محسوبة من المزوجات ..شدي حيلج حبيبتي مدايمتلج اني ورجلج بأجر يمل..

ظلو خواتي يباوعون علية بنظرة استغراب عمري متعاملت وياهم هيج طول عمري مدللتهم انسى نفسي واذكرهم ...

بس رغم هذا كرهت روحي وكرهت اسلوبي وياهم بس داخلي مجروح ودا اوزعه ع الحوالية ..

صحت ع جهالي حطيت الاكل ..وتعصبت عليهم ..

وردة، علي،حسين يلا بسرعة كعدو تريكو دنروح ..

عمر: زمن ..لو مرتاحة الدوام مرح يطير..

زمن: تعال ..يلا عمر تريك ..اني مابية شي اطمن ..

علي: دخيل كلبج ربي ما يحرمنا من حسج ست الكل..

جاي..جاي..

صحت سارة وكعدت..

سارة جيبي جاي لزوجج ..

ظلت مصدومة ..

شبيج سارة ..يلا ورانا دوام دنطلع ..

خلص الريوك وسط دهشة الكل ..

كملتة بصراخي عالجهال ..

وردة ..جيبي جنط اخوتج يلا دنطلع..

معلية ..كوو..

زمن: اششش..ولا كلمة يلا بسرعة روحي ..

يلا ..بسرعة ..للسيارة ..

عمر: زمن..نسيتي سيارتج بدائرة المرور ..اليوم اروح اجيبها ..

زمن: اووف شون نسيت ..عمر عفية ممكن اخذ سيارتك وانت اخذ سيارتي من المرور..

عمر: تدللين بس خاف بعدج تعبانة بلاها اني اوصلج..

زمن: هاي شبيك عمر خايف ع سيارتك اخذ ت**ي بلاها..

عمر: صدگ كذب زمن اني اعز عليج شي اخذيهة اني خايف عليج..

ليش هالعصبية ..متسوة مو زين عليج تتعصبين..

زمن: انتو شخبصتونة والله مابية شي كل شي مابية ..امشو ماما تأخرنا ناخذ ت**ي..

عمر: زمممممن..وين تعالي هاج السويچ..

سرمد: عوفها عمر...مدري شسامعة وگالبة الموجة ...

درت وجهي الة ..ودي افضحك كدام الكل بس هيج ابين م**ورة لا ماانطيك هالفرصة ابد..

شكرا عمر ..واسفة ازعجتكم من الصبح اني صدك اعصابي تعبانة..اسفة..

عفتهم وطلعت ركبت جهالي ..وكعدت اخذت نفس ادفع تعب سنين ..

شغلت السيارة نسيت حتى سرمد..

زينة: سرمد ..زمن بيهة شي صاير بينكم شي ..

سرمد: اني اريد اسالكم هالسؤال البارحة من رجعت وهي مو على بعضها ..

اني ابد مشايفها بهالحالة..

عمر : البنية صدگ تعبت ويانا واحنا جيبي ودي واخرها وگعت ..حاولو ماتحجون وياها هاليومين خل ترتاح..

علي: اي صحيح ..لازم نعوفها ..يلا سارة اوصلج للجامعة واروح لشغلي..

عمر: سرمد تروح جيب سيارة مرتك لو اجيبها اني ..

سرمد: اي ..اني اجيبها ..

يلا ..خلينا نروح ..زينة امشي انتي هم مالة داعي بقاءج نودي احمد للحضانة ونروح دواماتنا..

زمن: طول الطريق وداخلي إعصار من الاحاسيس ..حيل حسيت بتأنيب الضمير ع تصرفي هاي ابد مو أخلاقي ولا شخصيتي..ليش سويت هيج..

لا..اني تعبت..تعبت بسبب الكل لحد ما استلمت نتيجة تعبي شفتة ع ارض الواقع..

مااعرف شسوي ..اغلس كأني ماشفت وابدي دور الزوجة الحريصة أو اتركه ولا يهمني شيسوي..

لازم اكون مركزة مرح ادمر حياتي عمود وحدة ما تسوى بس غير اذكر هاي البنية وين شفتها..

استغفر الله..

وصلت كليتي بعد ما وصلت الجهال ..ورحت الغي غيابي واشرح لرئيس القسم الحادث والصار لگيت سرمد سابقني وحاجي ويا العمادة واستغربوا من حضوري بعد ماقدملي إجازة..

ست زمن..ست زمن..

سلامات ..كالو مسوية حادث..

زمن: اي والله يافلاح ضغطي علگ بلا ماادري ..المهم عفية جيبلي شاي لان راسي رح ينفطر..

دكتورة خاف بعدج مريضة ليش ماارتاحيتي بالبيت وأبو حسين سوى الواجب..

زمن: اوووف ..اي سوى الواجب وزيادة..

فلاح: شنوووو..

لاهيج روح جيبلي شاي الله يخليك..

ماشي من عيني..

اشكرك..

اجتي دلال صديقتي ركض ...ملهوفة وخائفة..

زمن..زمن .. حمدالله ع سلامتج ..ولج شجاج شجرالج ..

زمن: مابية شي اطمني ..ضغط صار بية ومو حاسة بي..

دلال: يااا..انتي والضغط شنو..

زمن: نصيب..

دلال: چنج سامعة شي ومكلوبة احوالج..

زمن: اااه، ماكو شي ..

دلال: تضمين علية ..زمن شبيج..

زمن: مااعرف ..تعبانة دلال..تعبانة ..

حطيت ايدي ع وجهي ونمت عالمكتب اخفي خيبة حزن ان**ار لاأعلم لم اجد الا احضان صديقتي الوحيدة الي طبطب ع كتفي وتخفف الالامي..

دلال: لاااأ..سالفتج جبيرة خ نستأذن ونطلع فد مكان واحجيلي..

زمن: دلال الحجي الحجيتي كلة صح..

دلال: ياحجي..؟

زمن: سرمد وعلاقته بهاي البنية..

دلال: ياحبيبتي...

زمن: رجاءا دلال لاتاخذيني بعين الشفقة اضوج ..اكثر مو ضايجة..

دلال: خلص لارح أشفق عليج ولااضوجج بس الوكت مو زين والبنات هنا يطخن بالرجال..

زمن: الرجال فقير ومسكين وهي دندل علي..دلال اني بطلت اثق بغباءي..

دلال: حشاج لاتگولين هيج..بس يمكن..

زمن: شنو يمكن ..كذب علية يكلي طالع ويا علاء وهو يطلع ويطب وياها ومبين علاقتهم صار مدة اني كل القاهرني كلام الحب والاهتمام يحجيهة الي تعبت معدت اميزة يكذب أو يصدق..

دلال: باعي زمن ..احنا بهذا الوكت مو مال نبجي ونولول لازم نحافظ ع بيوتنا

ومنخلي امثال ذيج تأخذ عالجاهز..

زمن : لعد شسوي دلال اتعامل بغباء ..ولا كأني اعرف شي..

بالضبط اتعاملي ويا هيج وخلي هو يمثل صدك يحبج المهم ميعرف انتي تعرفين ..وخليج طبيعية ولا اگلج مثلي المرض عمود يهتم بيج وحدج ..

وذيج نزوة رح ينساها..

تعتقدين ..؟

اكيد حبيبتي ،يلگى مثلج هو ،لو اكو وحدة رح تجمع اخوتة مثلج..

زمن: شكرا دلال

ع شنو

ع وجودج حوالية .. وع كل شي

يووو..شتحجين انتي..

تدللين حبيبتي انسى وگفاتج وياي..

اوووف..

دلال: شكو ..

نسيت اسوي غدة..لازم اروووح..

لزمتني دلال..

باعي زمن لازم تخفين اهتمامج شوية ..ودير بالج ع صحتج..

ماااشي..

مرت ايام ومشيت بوصية دلال وحاولت اضغط ع نفسي مكان الموضوع سهل ساعة ابجي ساعة اتعصب بلا سبب اموت قهر لمن اسمع اسم علاء اعرف راح آلهة وادعي تخلص هالنزوة..

بس ماكو سر يبقى ع حالة لابد ينكشف وهذا الصار يوم شافت زينة سرمد وصارت أعصاب وكبت هوسةالا تكلي وعمر وسرمد يحاولون يمنعوهة..

زينة : عوووفوني ..لازم تعرف زمن ..

سرمد: زينة

عمر : زينة خفي علينا شوي ..بلا متصير مصيبة امشي كدامي..

زينة : عوفني ..يعني لان اخوك تستر علي اختي لازم تعرف ..

سرمد: زينة ..بس سكتي ..

زمن: شكو شبيكم ..

سرمد: زمن ماكو شي..

زينة : ماكو شي،ولزمت ايد ايمان نسيتهة ابو المأكو ..زمن زوجج الشفية مرافگ ايمان تذكريهة ..

زمن: لمن تعتاد عالوجع ويصير جزء من روتينك بعد ماتحس وتظن نسيت وتجي هاي الصدفة أو الشخص...الي نصيبك انو يجي يفتح جروحك..وترجع تنزف من جديد..

حاولت الملم روحي واحاول اكون قوية ..

اخذت نفس تعديت سرمد الواگف كدامي ..

وفجرت القنبلة ببرود..

زمن: زينة اني اعرف..

شنووووو...

مثل ماسمعتي اني اعرف والموضوع يخصني اني وزوجي انتي وزوجج مالكم علاقة ..

من رخصتكم..ردت انسحب لان كل نقاط قوتي الجمعتهم خلصو خفت لا أنهار ويبان ان**اري ..

وماحسيت الا صوت سرمد الي دمرني..

انتي شوكت عرفتي ..

للحكاية بقية ..

تحياتي الكم..

نازك الملائكه