Gemini's POV
Alas-nwebe ng gabi, dumating sina Capri at Aqua. Tinawagan ko muna sina Mommy at Daddy para ipaalam ang plano kong lumabas at magpuyat kasama ng mga kapatid ko. Hindi naman sila tumutol — alam nilang matagal na mula noong huli akong lumabas para mag-relax, kaya hinayaan na lang nila ako.
Pagdating nina Capri at Aqua, hindi ko na sila pinaakyat sa penthouse. Sabay-sabay na kaming bumaba nina Blair, Talon, at ng dalawang bodyguard na nakatalaga sa amin. Habang papunta kami sa elevator, napansin kong madalas magtama ang tingin nina Blair at Talon — may mga ngiti, may mga lihim na titig. Hmm… interesting, bulong ng isip ko.
Hindi ko naman pinapakialaman ang love life ng mga staff ko, pero kung sakaling may namamagitan sa kanila, mas gusto ko na rin iyon — at least nasa loob lan
