ISANG linggong hindi umuwi si Edgar sa condo unit. Ang huling araw na nagkasama sila ay nang sinamahan siya nito sa araw ng exam. Pagkahatid sa kanya sa bahay ay umalis uli ito at hindi na umuwi pagkatapos. Isang simpleng: May inaasikasong importante, ang sagot nito sa text niyang nagtatanong kung nasaan ito at bakit hindi umuuwi.
Tuloy ang trabaho ni Daisy. Kung ang inaasahan niya ay magkakasama sila lagi ni Edgar kapag nasa iisang bahay na, hindi nangyari. Ang nakasama niya ay ang laptop—na para sa kanya pala talaga. Kasama sa mga gamit na mula kay Miss Eirene. Binili talaga para gamitin niya sa trabaho. Para hindi mabagot, nag-concentrate na lang si Daisy sa trabaho. Araw araw siyang nag-oonline para ma-check ang mga inquiries at orders. Kapag tapos, ginagamit niya ang natitirang oras
