My Son's Fairy Dad

Chapter 8

    Nagsimula na ako sa aking trabaho . Pinakiusapan ko si Steph na mag leave muna sa kanyang trabaho para mabantayan si Aethan . Pumayag ito at pagod na din naman ito sa kanyang trabaho . Nangako naman ako na babayaran ang damage ko sa kanyang trabaho .

      "Ms. Sanchez , this is Laisa . Sya ang mag aassist sayo sa mga gagawin mo and syempre hindi naman na sya mahihirapan siguro dahil eto din ang trabaho mo sa kabilang kumpanya . "

Magalang akong nakipagkamay sa aking mentor . 

       "Dont worry madam . I'll be responsible sa lahat ng gagawin ko . "

Isang magandang ngiti lang at nawala na ang matanda sa aming harapan . 

       "Laisa nalang ,"

Nagsalita ito habang papunta kame sa aking desk . 

        "Eto na magiging desk mo . Ayan nga pala si ashley , si nate sila ang mga kadepartment mo . Sila ang ka team mo kapag may mga upcoming movie na ipapasa sa atin ."

Tumango tango lang ako sa mga instruction nito . Nang matapos na itong ituro ang mga gagawin ko ay iniwan na ko nito sa aking desk . Inayos ko ang mga gamit ko sa aking lamesa at umupo . May frame na walang lamang picture . Napahawak ako dito . 

Si Aethan . Wala pa kong picture nya .

       "Hi . ".   Napatingin ako sa tumayo sa aking harapan . 

       "Hello . ".    Bati ko din . Sa aking pakiwari ay si ashley ito .

      "Ako si ashley , sya naman si nate. Alam mo ang ganda mo . Diwata ka ba ?"

Natawa ako sa pabiro nito . Mukhang makakasundo ko din ang babaeng ito . Para syang kagaya ni Steph.

       "Ay . Wala ka bang photos na dala ?".   Napatingin si nate sa frame na hawak ko . 

       "Ah . Wala nakalimutan ko kasi . Baka nasa kotse ko . ". Ibinaba ko na ang frame . 

Bukas na bukas ay pipicturan ko si Aethan . 

       "Sabay tayong mag lunch mamaya ah . "

Tumango lang ako sa mga kausap at nagsimula na magtrabaho . 

-------------------------------------------------

       "Aliyah . Ang ganda ng pangalan mo parang diwata talaga ."

Natawa akong muli sa tinuran ni ashley . Kumakain na kame ng lunch . Masaya ang unang araw ko . Naramdaman ko na masarap pala magtrabaho ng walang hussle sa company . Magtatrabaho ka lang talaga ng matino . 

       "Pagpasensyahan mo na si ashley ,aliyah ... Probinsyana kasi yan . May lola sya na albolaryo . Kaya puro engkanto at diwata ang sinasabi nyan . "

Natatawa si nate sa nakasimangot na si ashley . 

      "Bakit ? Naniniwala ba kayo sa mga lamang lupa ?".   Naitanung ko nalang sa mga ito . Sabay silang napatingin sa akin.

       "Hindi ka ba naniniwala sa mga supernaturals ?".      Napailing ako sa sinabi ni ashley . 

      "Totoo sila aliyah . They are just hiding . Para hindi matakot ang mga mortal sa kanila . And sometimes hindi naten namamalayan na nakikisalamuha na pala sila sa atin . Like aswang , tyanak , and even as fairies. ".      Mahabang paliwanag nito . 

       "And pano mo naman nalalaman na ibang nilalang na ang nakakasalamuha mo ?".   Kunwa'y kinagat ko ang istorya nito .

         "Gaya mo . ".      Napatingin ako kay nate sa sinabi nito .      "Ang ganda mo ay parang diwata."

At napatawa kame ng batukan ni ashley si nate .

-------------------------------------------------------

    "Kamahalan . ".   Yumukod na muli si Miana sa prinsipe . 

"Miana.".    Bumalik ito sa pagmamasid sa kalangitan .  Tahimik ang gabi . Malalim na at nahihimbing ang ibang mga kasamahan . Ngunit taglay pa din ng buong kaharian ang kalungkutan sa pagkawala ng kanilang pinuno . 

      "Miana.. naalala mo pa ba ang pagiibigan ng aking ina at ng aking ama?"

Napangiti si Miana sa narinig mula sa Prinsipe . Matagal na panahon na ngunit ayaw makakarinig ng prinsipe ng kahit anong kwento mula sa ina . Simula ng iwanan sila nito ay hindi na ito nagmahal ng kababaihan . Tanging si Aura lamang ang bukod tanging inibig nito . Ngunit sa kasawiang palad ay binawi din ng bathala . 

       "Bakit mo naitanung kamahalan ?"

Tumingin ito kay Miana . Napabuntong hininga . Tumingin muli sa higaan na halos kanina lang ay kinalalagakan ng mga labi ng ama . Ang maamong mukha ng prinsipe ay nahilam ng luha . 

          "Mahal na prinsipe . Ako'y lubos na nagagalak . Nagdiriwang ang aking puso na ikaw ang papalit sa trono ng iyong amang hari . Napakabusilak ng iyong puso . Ang katatagan sa panglabas mong anyo ay hindi naging hadlanh upang ibuhos mo ang kadalamhatian ng iyong loob . "

Nagpunas ito ng luha . 

          "Miana . Hindi ako handa . Iniwan ako ng Hari ng walang pagdadalawang isip . ".   May hinanakit sa tinig nito . Nahabag ang dakilang diwata sa nakikitang kahinaan sa prinsipe . 

           "Gaya ninyo mahal na prinsipe . Ipinasya nyong itapon ang bata sa lagusan . Kahit na alam nyong ikamamatay nyo ang hindi pagbibigay nito sa mga kalaban . Busilak kamahalan . Napakabango ng inyong kalooban . "

            "Ang aking ina . "    Napatingin ito kay Miana .

           "Si tandang Sutna . Ang matandang nuno . Sya po ang mas nakakaalam ng pagmamahalan ng iyong ama at ina . "

        "Ahhh . ".    Naalimpungatan ako sa paggising saakin . 

        "Aliyah ? "    Napatayo ako ng makitang si MADAM ang gumising sa akin . 

       " Tila nananaginip ka . ".     Napatingin ito sa aking mga mata . Malumanay pa din ang kanyang mga mata . 

       "Pasensya na Madam . Nakaidlip pala ako . ".      Tumingin ako sa akin orasan . Ganap na alas 9 na ng gabi . Nag overtime ako dahil sa aking tinatapos na gawain . 

         "Natutuwa ako sa kasipagan mo iha . Ilang buwan pa lang pero naungusan na ng ating kumpanya ang Kalaban na kumpanya . Malamang ay nagsisisi na si Henry na pinakawalan ka nya . "

Isang pisil sa aking baba ang ginawa ng ginang . 

Nagpaalam na ako dito at naggayak na pauwi . Ang aking anak . Hindi ko na namalayan ang oras sa pagod ko . Dibale at restday ko naman babawiin ko ang aking oras sa aking anak . 

-----------------------------------------------

           "Napanaginipan mo na naman ang panaginip mo ?"

Nasa bahay na ako at gising pa na naghihintay si Steph . Tulog na ang aking anak . Mahimbing na itong natutulog . 

           "Steph . Nagtataka lang ako . Ilang buwan na ang lumipas . Pero ang panaginip ko madalang man syang pumasuk sa isip ko pero tinutuloy nito ang mga nakalipas ko ng panaginip . "

Tumayo ako sa may bintana . 

Halos 6 na buwan na ang nakakalipas . 10months na si Aethan . Dalawang buwan nalang at mag iisang taon na sya . Hindi pa din alam ng aking mga magulang ang tungkol kay Aethan .

             "Baka epekto nalang din yan ng mga sinusulat mo na novels aliyah . "

Siguro nga ngunit hindi pa din ako kumbinsido . 

             "Baka nga . "      Katahimikan .

             "Ah . Aliyah . Oo nga pala hindi ko nasabi . Uuwi ako ng probinsya bukas . Emergency kina nanay . Mga isang buwan ata ako mawawala . Naiisip ko paano si Aethan . E halos ayaw mo kumuha ng yaya dahil hindi ka tiwala . "

Ngumiti ako sa kaibigan . 

               "Sobra sobra na ang naitulong mo Steph . Ako na ang bahala kay Aethan ."