زيد : هالوووووو .... فى حد هنا
هنف زيد بمرح مشيرا بأصابعه امام وجهها فى حين ظلت هى بأفكارها لتستيقظ بعد ثوان
بوسة بصوت ضعيف : ايوة ايوة ... معاك
زيد : بصي هو انا عارف انك مش بتاعة هدايا خالص و لا هتموتى و تاخدى الباندا فى حضنك نهاااائي و لا هتعيطي من الفرحة عشان عيد ميلادك اطلاقا بس ممكن ندخل جوة عشان شكلى كده مش ظريف
عقدت حاجبيها لتستعيد نفسها فجأة و من ثم تحركت نحو الهدايا تسحبها للداخل ملتقطة منه باقة الورود وسط دهشته لتعود و تقف امامه مستندة على باب منزلها هاتفة بتهكم
بوسة: تدخل ؟ تدخل فين يا عنيا ... سايبة هي
زيد : افندم ؟؟
بوسة : مسمعتش اعيد تاني
زيد : بوسة بطلى هبل جيرانك هيصحو و يشوفوني و انا واقف على بابك بتهزق ... ترضيهالى!!!
بوسة: لا وحياتك هما مش بس هيشوفو دول هيمدو ايديهم كمان و يعلموك درس مش هتنساه ... فى واحد محترم يخبط على باب واحدة السعادي
زيد بتهكم و سخرية: وا
