Kinagabihan ay may biglang urgent meeting si Kalix kaya naiwan akong mag isa sa kwarto.
Madilim ang paligid ng kwarto, tanging lampshade lang ang nagbibigay ng banayad na ilaw sa tabi ng kama. Tahimik ang buong mansion, ang maririnig lang ay ang mahinang ugong ng aircon at tik-tak ng wall clock sa dingding. Iyon naman kasi palagi eh.
Nakabaluktot ako sa kama, nakayakap sa sarili, pinipilit na ipikit ang mga mata. Kanina pa ako paikot-ikot, hindi makatulog. Hindi ko alam kung dahil ba sa sobrang pagod mula sa nangyari kagabi o dahil wala dito si Kalix sa tabi ko.
Hindi ko rin alam kung paano ko ilalarawan ang sarili ko ngayon, para akong nasa pagitan ng langit at lupa. Sa isang banda, ramdam ko pa rin sa balat ko ang bawat halik at haplos ni Kalix. Sa kabilang banda naman, biglang dum
