"LINTIK! Bakit napakatagal mo bago sumunod? Hinihintay mo pa ba na tubuan ng ugat ang mga binti ko bago ka lumabas?!" galit na sabi ni Teresita pagkakita sa dalaga.
"Pasensya na, nay. Nagpasalamat kasi ako kay Madam Flordeliza kaya ako natagalan."
"At bakit ka magpapasalamat sa bruhang 'yon? Inaksaya niya nga lang ang oras ko pero bayad pa rin siya tapos pasasalamatan mo pa!" hiyaw nito sabay talikod at matuling naglakad.
Sumunod siya sa likuran ng ina at matamlay na nagsalita, "Hindi siya tumanggap ng bayad, nay. Huwag na daw."
Napahinto si Teresita sa paghakbang at mabilis na humarap. Iritado itong nagsalita, "Ano? Ulitin mo nga ang sinabi mo. 'Di ko masyadong naintindihan dahil para kang bubuyog kung magsalita. Ayusin mo nga ang pagsasalita mo!"
"Hindi nagpabayad si Madam Flordeli
