SINUNDAN na lamang ni Virginia ng tingin ang inang palabas ng kusina. Napansin niya ang pag-iiba ng mukha nito pagkakita sa batong hawak. Alam niyang mayroon itong ikinagulat ngunit hindi na lamang niya pinansin.
"Girl, huwag ka namang magagalit ha," pabulong na sabi ni Taweng habang inuumpisahang ihanda ang lulutuing ulam.
Napatingin siya sa kaibigan habang pinapahid ang make-up sa mukha.
Nagpatuloy si Taweng sa pagsasalita, "Base kasi sa expression ng mukha mo kanina at saka sa kilos mo ngayon parang..." Ibinitin nito ang nais sabihin. Nag-alangan na baka sumama ang loob ng dalaga kung itutuloy ang pagsasabi ng napuna.
"Ano ba kasi ang gusto mong sabihin? Alam mo namang mahina ako pumik-ap, e." Nakangiting pintas ng dalaga sa sarili gaya ng palaging sinasabi ng ina sa kanya. Ang pai
