"Nanay! Si Ate! May manliligaw na!"
Pagkauwi ko ng bahay ay pinuno ako ng pangungulit at pangangasar ni Cora. Nakita niya bigla sa kamay ko iyong bracelet na ibinigay sa akin ni Sebastian na nakalimutan ko nang hubarin at itago sa bag ko kaya nakita pa ng kapatid ko.
Wala naman akong balak ipaalam sa kanila itong bracelet na ibinigay sa akin ni Sebastian. Hindi naman sa gusto kong maglihim kina Nanay ngunit natatakot at kinakabahan kasi akong baka isipin niyang may nanliligaw sa akin o may boyfriend na ako.
Ni katulad nga ng sinabi ko noon, wala pa akong balak na pumasok sa isang relasyon o magmahal dahil nga ang mas gusto kong unahin ay ang pamilya ko. Gusto ko munang bigyan ng magandang buhay ang sarili ko at sina Nanay.
"Uy, Cora! Wala akong manliligaw!" Pinandilatan ko siya ng mga
