Pakiramdam ko ay gumuho ang mundo ko dahil sa balitang nalaman ko. Parang pinag-pira-piraso ang puso ko hanggang sa maging pino ito, daig pa nito ang sinaksak nang ilang punyal para madurog.
Wala akong tigil sa pag-iyak habang papunta kami sa ospital na sinasabi n'ong Pulis na tumawag sa akin. Patuloy naman akong pinaka-kalma ni Lance na nasa tabi ko, ganoon din si Brent na kasalukuyang nagd-drive ng kotse niya.
"B-Bakit naman sabay-sabay?" naiiyak kong tanong.
Hinagod ni Lance ang likuran ko habang pinupunasan ng panyo niya ang mukha ko.
Hindi ba at parang sobra na ito? Hindi pa nga ako tapos masaktan dahil biglang hindi nag-paramdam si Sebastian sa akin, pagkatapos ay ganito naman? May tumawag na Pulis sa akin, sinasabing nasa ospital daw ang pamilya ko dahil na-aksidente.
Binanggit
