TUMAYO si Divina at malakas na hinampas ang dibdib ni Oscar. Hindi man lang ininda ng binata ang sakit at hindi natitinag na nakatayo. "Ang sabi mo mahal mo 'ko! Hayop ka! Demonyo ka! Wala kang awa sa akin! Kung ganito lang pala ang pagmamahal na gusto mo sa akin, aalis na lang ako! Ayoko ng makita ka pa. Maghiwalay na lamang tayo!"
Tumaas ang sulok ng labi ni Oscar. Hinuli ang isang kamay niya at mahigpit na hinawakan. "Akala mo gan'on lang kita pakakawalan, Divina? Isa sa atin ang mamamatay bago ka makaalis sa poder ko!"
Bumalot ang takot sa mukha ni Divina. Tila naguluhan siya sa lalaking kaharap niya. Hindi na ito ang lalaking minahal niya. 'Di si Oscar ang kaharap niya ngayon.
"Dahil ba sa kasal kaya ka nagkakaganito? Kaya ka bigla bigla nagbago dahil hindi ko tinanggap ang offer
