“N-NAY?” Namilog ang mga mata ko nang makita si Nanay na nakatayo sa pinto ng aking kwarto. Hawak niya ang kurtina at kunot-noong nakatingin sa akin. “Ano bang ginagawa mo riyan? Bakit ang kalat ng kwarto mo?”
Mabilis akong tumayo. “M-may hinahanap lang po ako. Bakit kayo bumalik?”
“Nalimutan ko ang belt bag ko. May naghihintay rin pala na bisita sa’yo sa labas. Pinapasok ko na. Nariyan siya sa sala.”
Binundol ako ng kaba. “S-sino pong bisita?”
Naguho ang maliit na pag-asang sumibol sa aking dibdib nang madatnan ko sa sala ang tinutukoy na bisita ni Nanay. Akala ko ay si Sir Grant na ang dumating. Pag-alis ni Nanay ay pinaupo ko si Francis.
“Ang aga mo yatang namasyal dito sa looban?”
“Ikaw talaga ang sinadya ko. Nakita ko ang ilang posts sa social media ng kaibigan ko from other s
