“Oh, come on! That was just a joke!” halos pasigaw na sabi ni Danilo sabay tawa ng malakas. “Nakita ninyo sana ang reaksyon ng mga mukha ninyo. Grabe!”
Napansin niyang hindi kami natuwa ni Gunner sa ginawa niya. Kaya naman bigla niyang tinanggal ang ngiti sa kanyang mukha. Muli siyang tumungga mula sa kanyang baso, ngunit wala na itong laman. Nakangiti niya kaming tinanong ni Gunner kung hindi kami umiinom, o kung ano ang gusto naming inumin. Pero sino ba ang tatanggap ng inumin mula sa wirdong ito. Nang makuntento sa pagtanggi namin ay lumibot siya sa kwarto at pinindot ang isang buton. Kakulay ng buton na iyon ang pader at kung hindi ka taga-roon ay hindi mo iyon mahahalata. Bahagyang umuga ang sahig at kasunod noon ay ang pag-ikot ng isang luma at mabigat na istante ng libro. Nagmistu
