Agad kaming bumalik ni Gunner sa headquarters. Kailangan naming malaman kaagad kung sino ang kumidnap kay Hanselie at kung bakit. Gano’n din, kailangan naming malaman kung bakit umabot dito ang mga pulis galing sa kabilang lungsod ng hindi naman lang namin nalalaman.
Pag dating na pagdating namin sa headquarters ay agad kaming sinalubong ni Captain Ross. Nakarating na rin daw kay Hepe ang balita at kasalukuyan na itong nakikipag-ugnayan sa police headquarters ng kabilang lungsod. Halata sa mukha ni Captain Ross ang pag-aalala. Madalas kasi niyang kasama si Hanselie, kaya hindi na kataka-taka kung naging malapit na rin sila sa isa’t-isa. Masyadong tahimik si Hanselie. Ang totoo, wala akong masyadong alam tungkol sa kanya kaya mahirap mag-isip kung may nakaaway ba siya o ano. Pero ang mahal
