Pinilit kong kumain kahit na talagang wala akong gana. Nanghihina na kasi ako at nanunuyo na ang lalamunan ko. Marahil iyon ay dahil sa pampatulog na itinurok sa akin ni Grace. Hindi ko maiwasang mag-isip ng masama laban sa kanya. Tinanong ko siya kung bakit niya nagawa sa akin iyon. At ang isinagot niya ay para makatakas. Inaasahan na raw niya na aarestuhin na siya noong mga oras na iyon. Kaya gumawa siya ng komosyon para papuntahin ako ng patiuna sa bahay. Alam niya na hindi ako magpapahuli, pagdating sa pagliligtas sa kanya. At inihanda niya ang gamot na iyon kung sakaling kapusin kami ng oras sa pag-uusap. Alam kong matalino si Grace pero hindi ko akalaing kaya niyang magplano ng ganito.
Napansin ko rin na madilim na sa labas. Kung tatanyahin ko mula nang magising ako, siguro ay mga
