Mas lalong napuno ng tensyon ang lugar. Napaligiran na kami ng mga tauhan ng sindikato at wala na kaming magawa sa gitna kundi ang magtago sa mga bukas na kwartong naroon. Sugatan na ang ilan sa mga kasama namin at ako, wala pa akong silbi rito. Ang mga kaharap namin ngayon ay hindi mga ordinaryong mga kriminal. Isa silang oranisadong grupo at sa sitwasyon namin ngayon ay hindi sapat ang talino lang. Kailangan kong lumaban. Kailangan kong labanan ang takot ko para mailigtas namin si Hanselie at ang mga sarili namin sa sitwasyong ito.
Nakarinig muli kami ng putukan. Galing iyon sa kung saan kami nanggaling ni Gunner. Agad na nag-radyo si Captain Ross sa mga kasama namin doon. At nangyari na ang kinakatakutan namin. Naharangan na sila ng mga tauhan ng sindikato. Nakakainis. Sana naman ay w
