Kinabukasan, matamlay si Samantha dahil hindi umuwi si Allan. Nag-aalala na siya kung nasaan ito at kung ano ang ginagawa. Sinubukan niyang magpaalam sa father-in-law niya na gusto niyang lumipat ng bahay pero hindi siya nito pinayagan. Kaya wala siyang nagawa kundi manatili roon. Isa pa, hindi niya rin kayang umalis dahil alam niyang kailangan ni Allan ng kasama kahit alam niyang hindi siya nito kailangan.
Hindi niya sinabi ang ginawa ni Ferry sa kanya at ginawang pagpunta sa bahay ng daddy niya. Lahat iyon sinarili niya.
Pagdating niya sa school ay hinanap agad niya si Kyrie at nang makita niya ito’y nilapitan agad niya. Nasa garden ito at nakaupo habang nakapikit.
“Hmm. K-Kyrie…” tawag niya. Nagmulat ito ng mata at tiningnan siya. Nang makita siya nito ay agad umayos ng upo.
“Sam
