KABANATA 47
Pagdating namin sa school, wala sa rooftop sina Austin. Dito ko naisip na unang magpunt dahil dito nangyari ang kagaguhang ginawa nila sa akin noon kasama si Yumi. Naglakad ako papunta sa gilid at sumilip ako sa ibaba kung saan kita ko ang parking lot. Wala rin doon ang sasakyan ni Austin pati sa mga kaibigan niya. Walang saysay kung iikutin ko pa ang buong school kaya naisip kong maghanap sa iba pang lugar na maari nilang puntahan.
Paikot-ikot ako sa rooftop habang nag-iisip. Hindi lang isip ko ang hindi mapakali kundi pati mga paa ko. “Saan ko sila makikita? Saan sila pupunta? Sa bahay nina Austin?” bulong ko habang naglalakad ako at patapik-tapik ang daliri ko na nakahawak sa ibabaw ng labi ko. Parang may nagbukas na bumbilya sa ibabaw ng aking ulo nang maisip ko ang lugar
