KABANATA 33
Iika-ika akong naglakad palapit sa kanila habang inis sa sarili ko dahil sa pagiging lampa ko. Dahil sa ‘kin napahamak si Mona at hindi ko alam kung buhay pa ba siya.
Malapit na siya kay Mona nang mapasigaw ako ng, “Huwag!” habang nakataas ang isang kamay at nakabukas ang palad na nakatutok sa matandang aswang. Kasabay ng pagsigaw ko, isang nakasisilaw na kidlat ang tumama sa katawan ng matanda na nagpatigil rito. Nabitawan niya ang hawak niyang patalim at biglang napaluhod bago tuluyang bumagsak ang katawan sa harapan ni Mona habang nagliliyab pa ang kanyang damit. Hindi ko alam kung buhay pa ba siya. Masama bang hilingin na sana ay hindi na?
“Putang ina!” Napatingin ako sa kaliwa ko at nakita kong may isang lalaki na nakatayo sa gilid ng kalsada, may hawak siyang nakabukas
